शनिबार , फागुण २२, २०७७

क्लियरिङ हाउसको सहयोगमा प्राइम लाईफ बन्याे डीजीटल भुक्तानी गर्ने पहिलो बीमा कम्पनी

क्लियरिङ हाउसको सहयोगमा प्राइम लाईफ बन्याे डीजीटल भुक्तानी गर्ने पहिलो बीमा कम्पनी

७ फागुन, काठमाडौं । प्राइम लाईफ इन्स्योरेन्स कम्पनीले आजबाट आफ्ना सम्पूर्ण भुक्तानीहरु स्वचालित रूपमा सोझै लाभग्राहीको खातामा जम्मा हुने व्यवस्थाको थालनी गरेको छ ।

नेपाल क्लियरिङ हाउस लिमिटेड (एनसीएचएल)को नेशनल पेमेन्ट्स इन्टरफेस (NPI) प्रयोग गरी यस भित्र रहेका NCHL-IPS तथा connectIPS प्रणालीहरु मार्फत आफ्ना विभिन्न प्रकारका भुक्तानीहरु रियल–टाइम तथा नन–रियलटाइममा स्वचालित रूपमा कारोबार गर्न सक्ने प्राइम लाईफ पहिलोे इन्स्योरेन्स कम्पनी भएको जनाइएको छ । हाल कम्पनीले सिद्धार्थ बैंक मार्फत यी भुक्तानी कारोबारहरु गर्ने भएको छ ।

Kumari Bank 300x290 new
Global IME Bank new
Nepal Life Insurance

यस व्यवस्थाको सुरुवातसँगै इन्स्योरेन्स दाबी भुक्तानी, एजेन्ट कमिसन, तलब, भेण्डर भुक्तानी, लगायत आफ्ना लगानी सम्बन्धी कारोबारहरु आबद्ध भएका बैंक खाताहरुबाट सोझै गर्न सक्नेछ भने यसबाट कम्पनीको सेवा सञ्चालन थप छरितो र सहज हुने विश्वास गरिएको छ ।

प्राइम लाईफ सँगै २३ जीवन तथा निर्जीव बीमा प्रदायक कम्पनीहरुको बीमा शूल्क (प्रिमियम) को संकलन हाल अनलाइन मार्फत connectIPS e-Payment बाट भइरहेको छ भने ४ वटा बीमा कम्पनी भने NPI प्रणालीमा आबद्ध भैसकेका छन् । NPI नेपाल क्लियरिङ्ग हाउसका विभिन्न भुक्तानी प्रणालीहरुको एकीकृत इन्टरफेसको रुपमा विकास गरी सञ्चालनमा रहेको छ जसमा हाल ६१ सदस्य बैंक वित्तिय संस्थाहरु आबद्ध छन् भने अन्य पिएसपी/पिएसओ, इन्स्योरेन्स कम्पनीहरु, रेमिटेन्स, मर्चेन्ट बैंक, सरकारी तथा अर्ध–सरकारी संस्थाहरु लगायतका ५१ गैर-बैंकिङ्ग संस्थाहरु इन्डाइरेक्ट/प्राविधिक सदस्यका रुपमा आबद्ध रहेको एनसीएचएलले जनाएको छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय