प्रदेश नं. २ का प्रदेश प्रमुख तिलक परियार पदमुक्त

७ फागुन, काठमाडौं । नेकपा विभाजनको वाछिटा अब विस्तारै प्रदेशहरुतिर पर्न थालेको छ । प्रधानमन्त्री केपी ओलीको सिफारिशमा आज राष्ट्रपति विद्यादेवी भण्डारीले प्रदेश नं.२ का प्रदेश प्रमुख तिलक परियारलाई पदमुक्त गरेकी छन् ।

मन्त्रिपरिषदको सिफारिशमा परियार पदमुक्त भएका हुन् । संविधानको धारा १६५ को ( १ ) बमोजिम उनी पदमुक्त गरिएका हुन् । तत्कालिन माओवादीको सिफारिशमा नियुक्त भएका परियार बाँकेका नेता पनि हुन् । परियारको बर्खास्तीसँगै ओली सरकार अब राजनीतिक नियुक्तिको समीक्षा गर्ने पक्षमा रहेको बुझिएको छ ।

स्रोतका अनसार अब प्रचण्ड–माधव पक्षका सबै राजनीतिक नियुक्ति पाएकाहरुलाई पदमुक्त गरिने छ । अबको लक्ष्य राजदूततिर रहेको पनि बताइको छ ।