ओलीको तमासामा प्रदेश सरकार
नेपालबहस संवाददाता
फागुन ९, २०७७ आइतबार १९:१४:२९
९ फागुन, काठमाडाैं । प्रधानमन्त्री केपी ओली बेला बेला तमासा देखाएको भन्दै सबैसँग आश्चार्यचकित हुन्छन् । उनको यस्तो आश्चर्य आफ्नै पूर्वसहधर्मीदेखि धारे हात लगाउने सबैप्रति समभाव देखिन्छ ।
झण्डै एक महिना अगाडि ओलीले सर्वाेच्च अदालतका न्यायधीशप्रति कटाक्ष गर्दै भनेका थिए–पुनस्थापना केका लागि ? संसदमा तमासा गर्न ? त्यसको एक साता नवित्दै फेरि उनले भनेका थिए–वकिलहरु सर्वाेच्चमा गफ फिटेको फिटैछन्, हुँदाहुँदा एकजना बाजे वकिललाई लगेर तमासा गरेछन् ।
ओलीले यस्तो अभिव्यक्ति दिएवापत अहिले सर्वाेच्च अदालतमा मानहानीको मुद्धा खेपिरहेका छन् । तर उनको दुर्मुखा शैली र प्रवृत्ति भने घटेको छैन , बरु नयाँ उँचाई लिंदोछ ।
ओलीले भने जस्तै तमासा चाहिं उनकै इसारामा अहिले प्रदेशसभामा देखिन थालेकाे छ । प्रदेश नं. १ र बाग्मती प्रदेश सरकारविरुद्ध संसदमा अविश्वास प्रस्ताव दर्ता गरेको महिनौं भइसक्यो । तर यसबारे न त छलफल हुन्छ , न कुनै निर्णय प्रकृयामा नै लगिन्छ । अझै सत्ताधारी पक्ष नै प्रदेशसभा अवरुद्ध गर्ने तमासा देखाइरहेको छ । तर ओलीलाई भने त्यो तमासा लाग्दैन ।
प्रदेश नं. १ का मुख्यमन्त्री शेरधन राई विरुद्धको अविश्वास प्रस्ताव टेबल गर्न आजको लागि मिति तय गरिएको छ । तर प्रदेशसभा नै बस्नै नदिने राई पक्षीय सांसद्हरुको तयारी छ । सकेसम्म सूचना टाँसेरै बैठक स्थगित गर्न मुख्यमन्त्री राईले सभामुख प्रदीपकुमार भण्डारीलाई दवाव दिएका थिए । आज बिहान मुख्यमन्त्री निवासमा सभामुखलाई बोलाएर उनले बैठक स्थगित गर्न भने । तर सभामुख भण्डारीले अस्वीकार गरे । त्यसैले आज बैठक बस्ने भएको छ ।
यद्यपि ओली पक्षधर सांसद्हरु भने बैठक अवरुद्ध गर्ने पक्षमा छन् । उता, बाग्मती प्रदेशको हालत पनि उस्तै छ । यहाँ अर्काे तमासा गरिएको छ । मुख्यमन्त्री डोरमणि पौडेल विरुद्ध अविश्वास प्रस्ताव दर्ता गरिएको दुई महिना नाघ्नै लाग्यो । तर यसबारे संसदमा छलफल नै थालिएको छैन । सभामुख सानुकुमार श्रेष्ठ सूचना टाँसेरै लगातार बैठक स्थगित गरिरहेका छन् ।
अस्ति फागुन ५ गतेका लागि बैठक तय भएको थियो । तर सभामुख श्रेष्ठले विहानै कसैसँग सल्लाहसमेत नगरी एकपक्षीय रुपमा सूचना टाँसेर बैठक स्थगित गरिदिए । यसैगरी बैठक छलेर नै अभिष्ट पूरा गर्ने पक्षमा ओली समूह देखिएको छ । प्रदेश नं. १ का मुख्यमन्त्री राईले त सरकारलाई असयोग गरिए प्रदेशसभा नै भंग हुने चेतावनीसमेत दिइसकेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
खडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार
उपनिर्वाचनमा २ हजार ३८७ प्रहरी परिचालन, ५९ मतदान केन्द्र अतिसंवेदनशील
बैशाख १३, २०८१ बिहिबार
कांग्रेस नेता शेर्पासहित ३ जनालाई धरौटीमा छाड्न सर्वाेच्चको आदेश
बैशाख १३, २०८१ बिहिबार
मन्त्रिपरिषद्को बैठकले के के निर्णय गर्यो ?
बैशाख १३, २०८१ बिहिबार
सुनिल पौडेललाई थुनामा राख्न विशेष अदालतको आदेश
बैशाख १३, २०८१ बिहिबार
टोपबहादुर रायमाझीलाई थुनामै राख्न सर्वाेच्चको आदेश
बैशाख १३, २०८१ बिहिबार