बिहिबार , फागुण १३, २०७७

सर्वाेच्च अदालतको फैसलाले नै संसद पुर्नबहाली हुन्छ : थापा

सर्वाेच्च अदालतको फैसलाले नै संसद पुर्नबहाली हुन्छ : थापा

मिना कंडेल

९ फागुन, नवलपुर । नेपाली कांग्रेसका केन्द्रीय सदस्य गगन थापाले संसद पुर्नस्थापनाको आन्दोलन, संसदीय निर्वाचन र पार्टीको महाधिवेशन एकै साथ अघि बढाउनु पर्ने दायित्व काग्रेसमा आएको बताएका छन् ।

Kumari Bank 300x290 new
Global IME Bank new
Nepal Life Insurance

वर्तमान केपी सरकारको सर्वसत्तावादका बिरुद्ध नेपाली कांग्रेस संसद पुर्नस्थापनको पक्षमा सडकमा आन्दोलनमा रहेको बताउँदै सडकबाट संसद पुर्नस्थापना भन्दा पनि सर्वाेच्च अदालतको फैसलाले नै संसद पुर्नबहाली हुने थापाले बताए ।

नेपाली कांग्रेस नवलपुरका कार्यकर्ताहरुलाई आज पार्टी कार्यालयमा सम्बोधन गर्दै नेपाली कांग्रेसका युवा नेता तथा केन्द्रीय सदस्य थापाले सो कुरा बताएका हुन् । युवा नेता थापाले मुलुक यतिबेला संकटमा परेको बताउँदै नेपाली कांग्रेस पार्टिले फेरि एक पटक यो संकटको समाधान गर्न नेतृत्व लिनुपर्ने समय आएकोमा जोड दिए ।

पुर्व मन्त्री तथा केन्द्रीय सदस्य थापाले वर्तमान सरकार जनता प्रति उत्तरदायी नभएको, मुलुकलाई गम्भीर संकटको अवस्थामा पुरयाउन उद्दत रहेको र यो गम्भीर अबस्थामा कागे्रसले संयमित भएर देश र जनताको पक्षमा आवाज बुलन्द गर्दै ठोस निर्णय गर्ने समय आएकोमा जोड दिए । उनले नेपाली कांग्रेस हुप्सेकोट र नेपाल तरुण दल देबचुलीको आयोजनामा भएको कार्यक्रमलाई सम्बोधन गर्दै कांग्रेसले युवाहरुको बिदेश पलायन रोक्न गम्भीर हुनुपर्ने बताए । जबसम्म युवाहरु विदेसिने क्रम रोकिन्न तबसम्म मुलुक परिवर्तनको संघारमा उभिनै नसक्ने उनले बताए ।

मुलुक यतिबेला जटिल अबस्थामा रहेको बताउँदै कांग्रेसले सोचेर जनताको विश्वास लिदै आगामी निर्बाचनबाट बलियो र जनउत्तरदायी सरकार बनाउनुपर्ने बताए । कांग्रेसले आगामी निर्बाचनमा सजिलै जित्ने बताउँदै कम्युनिष्टहरु फुटेको यो अवस्थामा कांग्रेसले सहज फाईदा लिने पनि बताए ।

कम्युनिष्ट सरकारले युवा पलायनलाई रोक्न नसकेको बताउँदै युवाहरुबाट मात्रै विकास सम्भब हुने भएकाले विदेश पलायन रोक्न सरकार नै गम्भीर नभएको बताए ।

मुलुकमा धेरै ठुला परिवर्तन भए, राणा, राजा, पंचायत ढले गणतन्त्र आयो तर खोई उपलब्धी, खोई विकास ? पुर्व मन्त्रीसमेत रहेका थापाले प्रश्न गर्दै जबसम्म युवाहरुमा चेतना र मुलुकको लागि केही गर्नुपर्दछ भन्ने भावानको विकास हुन्न, तवसम्म परिवर्तन जस्तो सुकै भए पनि त्यसले कुनै अर्थ नराख्ने बताए ।

नेपाली कांग्रेस र कम्युसनिष्टहरु मिलेर ल्याएको गणतन्त्र आज कता हो कता ? किन यस्तो भैरहेको छ ? अब पनि राजनीतिक भन्दा माथि उठेर हामीले परिवर्तनलाई आत्मासाथ गरेर मुलुकमा रोजगारी सिर्जना गर्दैर्नौ, विदेशिएका युवा पलायन रोक्दैनौ तबसम्म हाम्रो मुलुक र हामीले कल्पना गरेको समृद्ध नेपाल साकार हुन नसक्ने उनले बताए ।

उनले दुई तिहाईको सरकार तीन बर्षमा ढल्यो, मुलुक अस्थिरता तर्फ लग्यो यसले प्राप्त गरेको उपलब्धीसमेत गुमेकोले यो सरकार देश र जनताको भन्दा पनि आफनो आसेपासे र भर्ती केन्द्र बनाउन मात्र उद्दत रहेको आरोप लगाए ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय