नाईट्राभेट ट्याब्लेटसहित पर्साबाट एक जना पक्राउ

९ फागुन, पर्सा । पर्साबाट नेपाल प्रहरीले लागुऔषध नाईट्राभेट ट्याब्लेटसहित एक जनालाई पक्राउ गरेको छ । बिरगंजम नपा वडा नं १६ रजतजयन्ती चोकमा कार्यालय मातहत प्रहरी चौकी ईनर्वा पर्साबाट चेकप्वाइन्टमा खटिएको प्रहरी टोलीले भारतबाट नेपालतर्फ आउदै गरेको अटोबाट २३ बर्षका हरेन्द्र मण्डललाई प्रहरीले पक्राउ गरेको हो ।
।
प्रहरीका अनुसार उनको साथबाट प्रहरीले कालो प्लाष्टिकको झोला भित्र लुकाई छिपाई ल्याएको लागु औषध नाईट्राभेट ट्याब्लेट १४४० पिस र सेमफेक्स ट्याब्लेट ९६ पिस फेलापारी लागुऔषध बरामद गरेको छ । पक्राउ परेका मण्डल पर्सा बिरगंज म.न.पा.
वडा नं.३२ चोर्नीका हुन् ।

लागुऔषधसहित पक्राउ परेका मण्डललाई नियन्त्रणमा लिई कार्यालयमा ल्याई अनुसन्धान कार्य भईरहेको पर्साका प्रहरी नायव उपरीक्षक मनोजित कुवँरले बताए ।