कांग्रेस नेता रानाभाटको निधन, डा. शेखरद्वारा श्रद्धाञ्जली व्यक्त

१० फागुन, काठमाडौं । नेपाली कांग्रेसका प्रभावशाली नेता डा. शेखर कोइरालाले नेपाली कांग्रेस चितवनका युवा नेता तथा पुर्व सांसद एकनाथ रानाभाटको अकल्पनीय र असामयिक निधन प्रति गहिरो दुःख व्यक्त गरेका छन् ।

कोइरालाले नेता रानाभाटको निधनको खबरले आफु अत्यन्तै स्तब्ध र मर्माहत भएको बताएका छन् । उनले शोकको यस घडिमा सम्पुर्ण रानाभाट परिवारलाई समवेदना व्यक्त गर्दै स्वर्गीय एकनाथ रानाभाट प्रति हार्दिक श्रद्धाञ्जली अर्पण गरेका छन् ।

एक फेसबुक स्टाटस लेख्दै रानाभाट प्रति शोक समवेदना व्यक्त गर्दै कोइरालाले लेखेका छन् : मेरा मित्र, नेपाली कांग्रेस चितवनका नेता एवं पुर्व सांसद एकनाथ रानाभाटको निधनले अत्यन्त स्तब्ध र मर्माहत बनाएको छ। यस दुःखद समयमा सम्पूर्ण रानाभाट परिवारलाई हार्दिक समवेदना तथा स्व. एकनाथ जी प्रती श्रद्धान्जली ।