आज निफ्राको शेयर मुल्य ५९४ ले घट्यो !

१२ फागुन, काठमाडौं । नेपाल स्टक एक्सचेन्ज (नेप्से)को सिस्टममा समस्या आएपछि एक खर्ब भन्दा धेरै बजार पुँजीकरण भएको नेपाल इन्फ्रास्ट्रक्चर बैंक (निफ्रा) को शेयर मुल्य शुन्यमा झरेको छ । टप लुजरकाे पहिलाे नम्बरमा NIFRA देखिएकाे छ जसकाे मुल्य १०० प्रतिशतले घटेर शुन्य भएकाे छ ।

गएको हप्ताबाट कारोबारमा आएको नेपाल इन्फ्रास्ट्रक्चर बैंकको शेयर मूल्य सिस्टममा शतप्रतिशतले घटेको देखिएको छ । जसको कारण दोस्रो बजारमा होहल्ला मच्चिएको छ ।

सिस्टममा समस्या आए पनि नेप्सेले कुनै प्रतिक्रिया दिएको छैन । या भनौं नेप्सेलाई थाहा नै छैन । होइन भने रियल टाइममा कारोबार हुने शेयरमा सानो समस्या देखिदा पनि नेप्सेले चनाखो भएर आधिकारीक सुचना प्रवाह गर्नुपर्ने थियो । तर, नेप्सेले वेवास्ता गरिरहेको छ ।

यस्तो समस्या केही समय अगाडी प्रभु लाइफको शेयर कारोबारमा पनि देखिएको थियो । नेप्सेको सानो गल्तिले गर्दा ठुलो असर बजारमा परेको छ । जसले गर्दा नेप्से परिसूचक समेत २५ सय अंकमा झरेको छ ।

सिस्टममा समस्या देखिए पनि यो समाचार तयार पार्दासम्म हाड्रोपावर र अन्य सवइन्डेक्समा सामान्य करेक्सन देखिएता पनि बाँकी १० उपसुचकमा अत्याधिक वृद्धि देखिएको छ ।

बजार लिड गरिरहेको बैंकिङ उपसुचक ३० अंकले बढेको छ । त्यस्तै ट्रेडिङ २१, होटल ४३, ननलाइफ इन्स्योरेन्स ३५० अंकले बढेको छ ।