थप ९४ जनामा कोरोना संक्रमणको पुष्टि

१२ फागुन, काठमाडौं । पछिल्लो २४ घण्टामा देशभर थप ९४ जनामा कोरोना भाइरस संक्रमणको पुष्टि भएको छ । योसँगै नेपालमा कोरोना संक्रमिको संख्या २ लाख ७३ हजार ७ सय ६० पुगेको स्वास्थ्य तथा जनसंख्या मन्त्रालयले जनाएको छ । बुधबार थप ७१ जना कोभिड संक्रमणमुक्त भएका छन् ।

हालसम्म नेपालमा २ लाख ७० हजार १ सय ३९ जनाले कोभिड जितेका छन् । गत २४ घण्टामा कोभिडबाट एक जनाको मृत्यु भएको छ । नेपालमा हालसम्म २ हजार ६६ जनाले कोरोनाका कारण ज्यान गुमाएका छन् ।

नेपालमा हाल ९ सय ३७ जना आइसोलेसनमा र ६३ जना क्वारेन्टाइनमा छन् । अहिलेसम्म २१ लाख ५० हजार २ सय २५ जनामा पीसीआर परीक्षण गरिएको छ ।