बुढानीलकण्ठमा सुरू भयाे कांग्रेस पदाधिकारी बैठक

१३ फागुन, काठमाडौं । नेपाली कांग्रेसका सभापति शेरबहादुर देउवाको निवास बुढानीलकण्ठमा पार्टी पदाधिकारी बैठक सुरु भएको छ । सर्वोच्च अदालतले प्रतिनिधि सभा पुनर्स्थापनाको पक्षमा फैसलापछिको राजनीतिक समीकरणका विषयमा छलफल गर्न बैठक बसेको हो ।

बैठक केही बेर अघिदेखि सुरु  भएकाे छ । बैठकमा वर्तमान पदाधिकारी, पूर्वपदाधिकारी सबै सहभागी छन्। यस अघि बुधबार नेकपा दाहाल–नेपाल समूहका अध्यक्षद्वय पुष्पकमल दाहाल र माधवकुमार नेपालले देउवालाई उनकै निवासमा भेटेर सहकार्यका लागि प्रस्ताव गरेका थिए ।

जवाफमा देउवाले पार्टीमा छलफल गरेर जानकारी गराउने बताएका थिए । आजको बैठकमा दाहाल–नेपाललगायत नेताहरुले गरेको प्रस्तावबारे बिफ्रिङ गराउने छन् ।