पछिल्लो २४ घण्टामा देशभर कति थपिए संक्रमित ?

१३ फागुन, काठमाडौं । पछिल्लो २४ घण्टामा देशभर थप १ सय १२ जनामा कोरोना भाइरस संक्रमणको पुष्टि भएको छ । योसँगै नेपालमा कोरोना संक्रमितको संख्या २ लाख ७३ हजार ८ सय ७२ पुगेको स्वास्थ्य मन्त्रालयले जनाएको छ ।

बिहीबार थप ८४ जना कोरोना संक्रमणमुक्त भएका छन् । हालसम्म नेपालमा २ लाख ७० हजार २ सय २३ जनाले कोरोना जितेका छन् । गत २४ घण्टामा कोरोनाबाट एक जनाको मृत्यु भएको हो ।

नेपालमा हालसम्म २ हजार ७ सय ६७ जनाले कोरोनाका कारण ज्यान गुमाएका छन् । नेपालमा हाल ८ सय ८२ जना आइसोलेसनमा र ६६ जना क्‍वारेन्टाइनमा छन् । अहिलेसम्म २१ लाख ५३ हजार ६ सय ३६ जनामा पीसीआर परीक्षण गरिएको छ ।