शुक्रबार , बैसाख १०, २०७८

प्रहरी नायब उपरीक्षक हेमन्त भण्डारी माघ महिनाको सर्वोत्कृष्ट प्रहरी

प्रहरी नायब उपरीक्षक हेमन्त भण्डारी माघ महिनाको सर्वोत्कृष्ट प्रहरी

१४ फागुन, उदयपुर । उदयपुर जिल्लाको ईलाका प्रहरी कार्यालय कटारीमा कार्यरत प्रहरी नायब उपरीक्षक हेमन्त भण्डारी माघ महिनाको सर्वोत्कृष्ट प्रहरी ( POLICE OF THE MONTH) घोषित भएका छन् । उनले नेपाल प्रहरीको विभागिय मुल्य-मान्यता, आदेश-निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन रही उच्च मनोवल र साहसका साथ आफ्नो कर्तब्य निर्वाह गरेको र अपराध अनुसन्धानको क्षेत्रमा विशेष योगदान पुर्‍याउएकोमा उत्कृष्ट भएका हुन् ।

साथै विभिन्न जघन्य अपराधका फरार प्रतिवादी तथा अवैध लागुऔषध, चोरी, तस्करीमा संलग्न मानिसहरुलाई पक्राउ तथा कानूनी कारवाहीको दायरामा ल्याउन महत्वपूर्ण भुमिका निर्वाह गरेको र आम नागरिकहरुमा सुरक्षाको अनुभूति हुने गरी नागरिक समक्ष प्रहरीको छवि उच्च बनाउने तर्फ प्रशंसनिय कार्य गरेको भन्दै ईलाका प्रहरी कार्यलय कटारीका प्रहरी प्रमुख भण्डारी लाई उत्कृष्ट कार्यसम्पादनको उच्च मुल्याङकन गर्दै २०७७ साल माघ “महिनाको सर्वोत्कृष्ट प्रहरी” (BEST POLICE OF THE MONTH)  घोषणा गरिएको जिल्ला प्रहरी कार्यलय उदयपुरले जनाएको छ।

Kumari Bank 300x290 new
Global IME Bank new
Nepal Life Insurance

प्रहरी कर्मचारीहरुको मनोवल उच्च बनाउने तथा सम्पादित कार्यको उचित मूल्याङकन गर्दै १ नम्बर प्रदेश प्रहरी कार्यालय विराटनगरले १ नम्बर प्रदेश भरीका प्रहरी कर्मचारीहरु मध्येबाट प्रत्येक महिना सर्वोत्कृष्ट प्रहरी छनौट गर्दै आइरहेको छ ।

सर्वोत्कृष्ट हुने प्रहरी कर्मचारीलाई पुरस्कृत गरी उत्कृष्ट कार्यको बिवरण सहितको फ्लेक्स प्रिण्ट गरेर १ नम्बर प्रदेश प्रहरी कार्यालय बिराटनगरमा निर्माण गरिएको स्तम्भ तथा १ नम्बर प्रदेश अन्तर्गत रहेका इलाका प्रहरी कार्यालय ‘क’ स्तरसम्मका प्रहरी कार्यालयहरुमा १ महिना सम्म राखिदै आएको १ नम्बर प्रदेश प्रहरी कार्यालय बिराटनगरले जनाएको छ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय