अपहेलनासम्बन्धी मुद्धाको प्रतिउत्तर बुझाउन सर्वाेच्च पुगे प्रचण्ड

१६ फागुन, काठमाडौं । नेकपा प्रचण्ड–माधव पक्षका अध्यक्ष पुष्पकमल दाहाल ‘प्रचण्ड’ अदालतको अपहेलनासम्बन्धी मुद्धाको प्रतिउत्तर बुझाउन अहिले सर्वाेच्च अदालत पुगेका छन् ।

प्रधानमन्त्री केपी ओलीले प्रतिनिधिसभा विघटन गरेको सम्बन्धमा केही दिन अघि प्रचण्डले दिएको अभिव्यक्तिले सर्वाेच्च अदालतको मानहानी भएको भन्दै उनीविरुद्ध मुद्धा दायर भएको थियो ।

गएको वुधबार यसबारे प्रारम्भिक सुनुवाई गर्दै न्यायधीश मनोजकुमार शर्माको इजलाशले प्रचण्डलाई एक साताभित्र आफैं उपस्थित भई प्रतिउत्तर फिराउन आदेश गरेको थियो । सोही मुद्धाको जवाफ फर्काउन प्रचण्ड आज सर्वाेच्च अदालत पुगेका हुन् ।