ओलीलाई कालो झण्डा देखाउन खोज्ने नेविसंघका ५ कार्यकर्ता नियन्त्रणमा

१६ फागुन, पोखरा । पोखरामा प्रधानमन्त्री केपी ओलीलाई कालो झण्डा देखाउन खोज्ने नेविसंघका ५ कार्यकर्तालाई प्रहरीले नियन्त्रणमा लिएको छ ।नेकपा ओली समूहको प्रदेशस्तरीय प्रशिक्षण कार्यक्रममा सहभागी हुन सोमबार पोखरा पुगेका प्रधानमन्त्री ओलीलाई नेविसंघमा आवद्ध विद्यार्थीहरुले कालो झण्डा देखाउने प्रयास गरेका थिए ।

कालोझण्डा देखाउने क्रममा पोखराको नदीपुरबाट नेवि संघका प्रताव बानिया, अशिम शुवेदी, सन्देश ठकुरी, रमेश चन्द्र जैसी र नसिब गुरुङलाई प्रहरीले नियन्त्रणमा लिएको हाे ।

विद्यार्थी नेताहरु पक्राउ परेपछि नेविसंघले सोमबार प्रेस विज्ञप्ति जारी गर्दै त्यसको विरोध जनाएको छ । प्रहरीको नियन्त्रणमा रहेका आफ्ना विद्यार्थी नेताहरुलाई तत्काल रिहा गर्न नेविसंघका अध्यक्ष राजीव ढुंगानाले माग गरेका छन् ।