डिम्याट एकाउण्टको संख्या ३० लाख पुग्यो, दुई सातामा २ लाखले नयाँ डिम्याट खाता खोले

१७ फागुन, काठमाडौं । शेयरबजारमा सर्वसाधारणको सहभागिता उच्च दरमा बढेको छ । ब्रोकर कार्यालयदेखि बैंकहरूमा डिम्याट खाता खोल्नेको लाइन लाग्ने गरेको छ । माघ महिनाको ३० गते २७ लाख ७५ हजार २८९ मात्र डिम्याट खाता रहेकोमा फागुन ६ गतेसम्म आइपुग्दा ९७ हजार ९९० ले बढेर २८ लाख ७३ हजार २७९ पुगेको थियो ।

माघ ३० गतेदेखि फागुगन १६ गतेसम्मको तथ्याङ्क हेर्ने हो भने २ लाख १५ हजार २३५ जनाले नयाँ डिम्याट खाता खोलेका छन् । फागुन १६ गतेसम्मको तथ्याङ्क अनुसार २९ लाख ९० हजार ५२४ जनाले डिम्याट एकाउण्ट खोलेको सिडिएस एण्ड क्लियरिङ लिमिटेडले जनाएको छ । यो संख्या हेर्ने हो भने दुइ सातामा सवा २ लाखले एकाउण्ट खालेका हुन् ।