नेप्सेले फुकुवा गर्यो सांग्रिला बैंकको शेयर कारोबार

१८ फागुन, काठमाडौं । नेपाल स्टक एक्सचेञ्ज ‘नेप्से’ले सांग्रिला डेभलपमेण्ट बैंकको शेयर कारोबार फुकवा गरेको छ ।

गत फागुन १६ गते कारोबार चलिरहेका समयमा लाभांश सम्बन्धी सूचना उपलब्ध गराएका कारण नेप्सेले उक्त कम्पनीको शेयर कारोबार रोक्का गरेको थियो ।

कम्पनीले सञ्चालक समितिको निर्णय सकिनासाथ तुरुन्त जानकारी गराउने मनासायका कारण सूचना उपलब्ध गराएको स्पष्टिकरण दिएको थियो ।

आगामी दिनमा यस्ता विषयप्रति संवेदनशिल भई सूचना उपलब्ध गराउन अनुरोध गर्दै नेप्सेले मंगलवारदेखि कम्पनीको शेयर कारोबार खुला भएको जानकारी गराएको छ ।