मल्टीपर्पस फाइनान्सको हकप्रद फागुन २८ गतेदेखि लिलामी बिक्री गरिने

१९ फागुन, काठमाडौं । मल्टीपर्पस फाइनान्स कम्पनी लिमिटेड (वित्तीय संस्था)ले नबिकेको हकप्रद लिलामीद्वारा विक्री गर्ने भएको छ ।

कम्पनीले संस्थापक तर्फको १७ लाख ५९ हजार ६२१ कित्ता हकप्रद शेयर फागुन २८ गतेदेखि विक्री गर्ने भएको हो ।

कम्पनीले असार २३ गतेदेखि भदौ ९ गतेसम्म हकप्रद निष्कासन गरेकोमा उक्त हकप्रद शेयरमा आवेदन नपरेकाले लिलामीद्वारा पुनः विक्री गर्न लागेको हो ।

उक्त हकप्रद खरीद गर्न इच्छुक कम्पनीका संस्थापक, सर्वसाधारण, कानून बमोजिम संस्थाले चैत १३ गतेसम्म शिलबन्दी बोलपत्र पेश गर्न सक्नेछन् ।

शेयरको न्यूनतम मूल्य प्रतिशेयर १०० तोकिएको हुँदा सो वा सोभन्दा बढी मूल्य अंकित गरी बोलकबोल गर्नुपर्नेछ । आवेदकले न्यूनतम १००० कित्ता र अधिकतममा सम्पूर्ण कित्ताका लागि आवेदन गर्न सकिने जानकारी कम्पनीले गराएको छ ।

कम्पनीको विक्री प्रबन्धकमा सिभिल क्यापिटल मार्केट लिमिटेड रहेको छ ।