स्थायी बन्ध्याकरण शिविरमा ४६ जनाले सेवा लिए
नेपालबहस संवाददाता
फागुन १९, २०७७ बुधबार १४:२०:५६
१९ फागुन, टीकापुर । सन्तानको रहर पुगेकाहरुका लागि सञ्चालन गरिएको स्थायी बन्ध्याकरण शिविरमा दुई दिनमा ४६ जनाले सेवा लिएका छन् । पहिलो दिन कैलालीको टीकापुर अस्पतालमा भएको बन्ध्याकरण शिविरमा २४ महिलाले मिनील्याप र एक पुरुषले भ्यासेक्टोमी गरी बन्ध्याकरण सेवा लिएका हुन् । त्यस्तै दोस्रो दिन जानकी गाउँपालिकास्थित दुर्गौली स्वास्थ्यचौकीमा भएको शिविरमा २२ महिलाले सेवा लिएका छन् ।
कैलालीको टीकापुरमा गत वर्ष ७१ महिलाले मिनील्याप सेवा लिएका थिए । यस वर्ष सङ्ख्या घटेको छ । नगरपालिकाले गाउँगाउँमा अस्थायी बन्ध्याकरण सेवा दिन थालेकाले पनि स्थायी बन्ध्याकरण गर्ने कम भएको हुनसक्ने बताइएको छ । बन्ध्याकरण शिविरमा डा. स्मृति रावलको टोलीले सेवा दिइरहेको नेपाल परिवार नियोजन संघ कैलालीका शाखा प्रबन्धक चेतराज फुलाराले जानकारी दिए ।
टीकापुरबाट शुरु गरिएको बन्ध्याकरण शिविर मंगलबार दुर्गौली स्वास्थ्यचौकीमा सञ्चालन भएको नेपाल परिवार नियोजन सुपरभाइजर निरीक्षक ओलटनारायण चापागाईँले जानकारी दिए । शिविर स्वास्थ्य कार्यालय कैलालीको आयोजना र नेपाल परिवार नियोजन संघ कैलालीको सहकार्यमा सञ्चालन भएको हो ।
यस वर्ष स्वास्थ्य कार्यालयले टीकापुरबाट शुरु गरेर जानकी गाउँपालिकास्थित दुर्गौली स्वास्थ्यचौकी, जोशीपुर प्राथमिक स्वास्थ्य केन्द्र, भजनी प्राथमिक स्वास्थ्य केन्द्र, चुहा स्वास्थ्य चौकी, दोधरा स्वास्थ्यचौकी, साडेपानी स्वास्थ्यचौकी, चौमाला प्राथमिक स्वास्थ्य केन्द्र, हसुलिया स्वास्थ्यचौकी र मालाखेती अस्पतालमा सञ्चालन गरिने भएको छ । सोमबार टीकापुरबाट शुरु भएको बन्ध्याकरण शिविर फागुन २८ गतेसम्म चल्नेछ ।
गत वर्ष कैलाली जिल्लामा दुई पुरुषसहित २१४ जनाले बन्ध्याकरण सेवा लिएका थिए । कैलालीमा स्थायी बन्ध्याकरण गर्नेमा पुरुषको सङ्ख्या निकै कम छ । “यस वर्ष कोरोना भाइरस सङ्क्रमणका कारण बन्ध्याकरण शिविर सञ्चालनमा समेत ढिलाइ भयो”, नेपाल परिवार नियोजन सुपरभाइजर निरीक्षक चापागाईँले भने, “लामो अवधिको अस्थायी साधन प्रयोग गर्ने महिला बढेकाले स्थायी बन्ध्याकरण गर्नेको सङ्ख्यामा पनि कमी आउँदै गएको छ ।
पहिला लामो अवधिको अस्थायी साधनको पर्याप्तता थिएन । गाउँमै स्वास्थ्य संस्था पुगेपछि महिलाले इम्प्लान्टलगायतका सेवा पाएका छन् ।” परिवार नियोजन सुपरभाइजर निरीक्षक चापागाईँका अनुसार पुरुषले बन्ध्याकरण गर्न चाहँदैनन् अर्थात् परिवार व्यवस्थापनमा पुरुषको तुलनामा महिलाको चासो बढी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्वास्थ्य मन्त्रालयको अनुरोध : स्वास्थ्य बीमाबारे भ्रामक सूचनाको भर नपर्नु
बैशाख ७, २०८१ शुक्रबार
‘कलेजो स्वास्थ्य राख्न खानपिन र रहनसहनमा ध्यान दिन जरुरी’
बैशाख ७, २०८१ शुक्रबार
तनहुँका तीन लाख ४१ हजार पशुमा पूर्ण खोप लगाइँदै
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
सिंगापुरमा एभरेष्ट मसला माथी प्रतिबन्ध, किटनाशक औषधी हालिएको खुलासा
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
आगो निभाउन गएको दमकल दुर्घटना, ६ जना घाइते
बैशाख ८, २०८१ शनिबार
वीरगञ्ज भन्सारद्वारा आठमहिनामा एक खर्ब १४ अर्ब राजस्व संकलन
बैशाख ८, २०८१ शनिबार
भन्सार छलेर ल्याएका ५० लाखका कपडा र काजु बरामद
बैशाख ८, २०८१ शनिबार