प्रधानमन्त्रीको सुरक्षामा खटिन्छन सुरक्षाकर्मी, सुरक्षा थ्रेट कसरी हुन्छ ?

१९ फागुन, काठमाडौं । प्रधानमन्त्री केपी ओलीले पोखरा पुगेर आफूमाथि शारीरिक हमला हुनसक्ने वताएपछि अहिले सर्वत्र प्रश्न उठेको छ, प्रधानमन्त्री नै सुरक्षित छैनन् भने को सुरक्षित हुन सक्छ ? देशका सम्पूर्ण जनताको सुरक्षाको प्रत्याभूत गर्नुपर्ने प्रधानमन्त्रीले नै सुरक्षा थ्रेट भएको वताए पछि उनले नेतृत्व गर्ने प्रशासनलाई जनताले विश्वास गर्ने कि नगर्ने भन्ने प्रश्न पनि उत्तिकै पेचिलो वनेको छ ।

देशमा सवैभन्दा वढी सुरक्षा शक्ति साथमा राखेका प्रधानमन्त्रीले यो कुरा सुरक्षा थ्रेट भएर भनेका हुन् कि आफुमाथि आएको चुनौतिलाई सामना गर्न कठिन भएपछि स्टन्टवाजी गरेका हुन् ? यो गम्भीर प्रश्न हो । आफुलाई संकट आएपछि प्रधानमन्त्री ओली कुनै न कुनै स्टन्ट गर्न पछि पर्दैनन् । नेकपा ‘एमाले’को अध्यक्ष हुनका लागि उनले आफ्नो जीवन लामो समयका लागि नभएको भन्दै स्टन्टवाजी गरेका थिए ।

उनको यही स्टन्टवाजीलाई पत्याएर एमालेका नेता प्रदिप नेपालले ओलीलाई सघाए र प्रदिप पक्षको सहयोगका कारण झिनो मतले एमाले अध्यक्ष जित्न सफल भए । एमाले नेता सुरेन्द्र पाण्डेको भनाइलाई पत्याउने हो भने पार्टी एकताको समयमा पनि ओलीले स्टन्टवाजी गरेका थिए । देशको सवैभन्दा ठुलो पार्टी वनाएर प्रधानमन्त्री वन्ने सपना देखेका ओलीले प्रचण्डलाई आफ्नो आयु लामो छैन, पार्टी जिम्मा लगाउने एउटा तपाइ जस्तो नेता चाहिएको छ भन्दै स्टन्टवाजी गरेर फकाएका थिए ।

प्रधानमन्त्री ओलीलाई सुरुमा प्रधानन्यायधिश चोलेन्द्र शमशेर जवराप्रति पुरापुर विश्वास थियो जसले उनलाई संवैधानिक आयोगमा पदाधिकारी नियुक्ति गर्ने क्रममा भागवण्डा लिएर सहयोग गरेको आरोप खेपिरहेका थिए । प्रधानन्यायधिश जवरा समेत ओली पक्षमा नदेखिएपछि प्रधानमन्त्री ओलीले आफुविरुद्ध वाहिरी शक्तिहरुले षड्यन्त्र त गरिरहेका छैनन् भन्ने आशंका गर्न थालेका छन् र भित्रभित्रै कमजोर महसुस गर्दै गएका छन् ।

ओलीको यो स्टन्टवाजीले काम गर्यो, प्रचण्ड लोभिए र एकता भयो । ओलीको सपना पुरा भयो । त्यसो त ओलीले अध्यक्षमा निर्वाचित भएपछि पार्टी केन्द्रीय कार्यालयमा सम्वोधन गर्दै भनेका थिए, तपाइहरुसंग त जीवन अलि लामो छ, तर मसंग छैन । पोखरामा गण्डकी प्रदेशस्तरीय कार्यकर्ता भेलालाई आज सम्बोधन गर्दै नेकपा ओली समूहका अध्यक्ष ओलीले आफूहरुमाथि सम्पूर्ण रुपले प्रहार भएको दावी गर्दै शारीरिक हमला नै भयो र ज्यान तलमाथि भयो भने पनि अनौठो नमान्नुहोला भनेका थिए तर उनले कसले प्रहार गरिरहेको छ र कस्तो सुरक्षा थ्रेट छ भन्ने खुलाएनन् ।

प्रधानमन्त्री ओलीले आफुमाथि पार्टी नेतृत्ववाट प्रहार हुंदा राष्ट्रपति विद्यादेवी भण्डारीसंग समेत स्टन्टवाजी गर्न भ्याएका थिए । प्रधानमन्त्री ओलीले राष्ट्रपति भण्डारीसंग प्रचण्ड पक्षले आफु र राष्ट्रपतिलाई समेत हटाउन लागेको भन्दै राष्ट्रपतिलाई प्रचण्ड पक्षविरुद्ध उतार्ने काम गरेका थिए । राष्ट्रपतिलाई यही विषयमा प्रष्ट पार्न प्रचण्डले निकै मेहनत गर्नु परेको थियो ।

प्रधानमन्त्री ओलीको स्टन्टवाजी हो कि भन्ने केही शंका गर्ने ठाऊ भएपनि सर्वोच्च अदालतले प्रतिनिधिसभा पुनस्र्थापना गरिदिएपछि ओलीले आफुलाई केही कमजोर भने महसुस गरेका छन् । सर्वोच्च अदालतले आफुलाई जिताउंछ भनेर देशलाई पुरै गुमराहमा पारेर हिंडिरहेको वेला ओलीलाई सर्वोच्चले ठुलै झड्का दिएको थियो र ओली पक्षधरलाई ओली उनीहरुले सोचे जति सामथ्र्यवान रहेनछन भनेर आशंका गर्ने ठाऊ दियो ।

प्रधानमन्त्री ओलीलाई सुरुमा प्रधानन्यायधिश चोलेन्द्र शमशेर जवराप्रति पुरापुर विश्वास थियो जसले उनलाई संवैधानिक आयोगमा पदाधिकारी नियुक्ति गर्ने क्रममा भागवण्डा लिएर सहयोग गरेको आरोप खेपिरहेका थिए । प्रधानन्यायधिश जवरा समेत ओली पक्षमा नदेखिएपछि प्रधानमन्त्री ओलीले आफुविरुद्ध वाहिरी शक्तिहरुले षड्यन्त्र त गरिरहेका छैनन् भन्ने आशंका गर्न थालेका छन् र भित्रभित्रै कमजोर महसुस गर्दै गएका छन् ।

प्रधानमन्त्री ओलीले कार्यकर्तालाई आफू नरहे पनि पार्टीको भविष्य अन्धकार जान नदिन अपिल गरेका थिए तर ओलीको यो आशंकालाई उनका कार्यकर्ताले भने अझै पनि गम्भीरतापूर्वक भने लिएको देखिदैन । नेपाल प्रहरीबाट डिएसपीको कमाण्डमा ८० जना, नेपाली सेनाबाट मेजरको कमाण्डमा २०० जना, सशस्त्र प्रहरीबाट डिएसपीको कमाण्डमा ६० जना खटिएका हुन्छन ।

त्यसैगरी प्रहरीको विशेष व्यूरो र राष्टिय अनुसन्धान विभागबाट पनि सुरक्षाकर्मी खटिएका हुन्छन । यति धेरै सुरक्षाकर्मीको घेरामा रहेका प्रधानमन्त्रीलाई कसले थ्रेट गरेको हो यसको जवाफ स्वंय प्रधानमन्त्रीले समेत दिन सकेका छैनन ।