पत्रकारले कोभीड खोपबारे गलत हल्ला फैलाए : डा. सबिता

मिना कंडेल

१९ फागुन, काठकाडौं । मध्यबिन्दु जिल्ला अस्पतालकी मेडिकल अधिकृत डा. सबिता लम्सालले राष्ट्रको चौथो अगं मानिएको संचारकर्मीले खोप लगाएता पनि कोराना खोपको विषयमा नकारात्मक भ्रम फैलाएको बताएकी छिन् ।

उनले पत्रकारले फैलिएको भ्रममा परि खोप लगाउन डराउनु दुःखत कुरा भएको बताएकि छिन् । उनले संचारकर्मी सवैले खोप लगाउनु पर्नेमा डा. लम्सालले जोड दिइन् । आफुले लगाउने र समाजमा सकरात्मक सन्देश फैलाउन पनि उनले आग्रह गरिन् ।

पुर्वी नवलपरासीमा कोरोना विरुद्धको दोस्रो चरणको खोप अभियान फागुन २३ गते बाट सुरु हुने भएको छ । दोस्रो चरणको खोप अन्तरगत ५५ बर्षमाथिका जेष्ठ नागरिक, सार्वजनिक तथा निजी विद्यालयका शिक्षक, प्राध्यापक, सार्वजनिक तथा निजी सवारी चालक तथा सहचालक र पहिलो चरणमा खोप लगाउन छुटेकाहरु करिब ४४ हजार जनालाई खोप लगाइने जिल्ला स्वास्थ्य कार्यालय पुर्वी नवलपरासीका प्रमुख केशव चापागाईले बताए ।

सरकारले कोराना विरुद्धको खोप अभियान थाले पनि पछिल्लो समय मानिसमा मनोवैज्ञानिक रुपमा खोपले असर पुयाउँछ कि भन्ने डरले गर्दा लक्ष्य अनुसार खोप लगाउन नसकीएको पुर्वी नवलपरासीका प्रमुख चापागाईको भनाई छ ।

कोभीडसँग सम्वन्धित संक्रमणबाट जोगिन र शरीरमा भाइरसबाट प्रतिरक्षा गर्न फलदायी हुने भएकाले खोप लगाउन डराउनु नपर्ने बताएका छन् ।
कोभिड–१९ खोप लगाएपछि कसैलाई केहि असर देखियो जस्तो भए पनि ढुक्क भएर खोप लगाउन मध्यबिन्दु जिल्ला अस्पतालका मेडिकल अधिकृत डा. सबिता लम्सालले आग्रह गरेकी छिन् । कोभिड–१९ खोपको विषयमा विभिन्न किसिमका भ्रमहरु फैलिए पनि खोपले नराम्रो असर नगर्ने लम्सालले बताइन् ।

चापागाईंका अनुसार दोस्रो चरणको खोप अभियान अन्तर्गत जिल्लाका सबै वडामा खोप केन्द्र स्थापना गरेर खोप लगाउने तयारी गरिएको हो । नवलपुरमा ४४ हजारलाई लक्षित गरी दोस्रो चरणको खोप लगाइदै छ ।