ओली र विप्लवले भोलि एउटै मञ्‍चबाट सम्बोधन गर्ने

२० फागुन, काठमाडौं । प्रधानमन्त्री केपी ओली र नेत्रविक्रम चन्द ‘विप्लव’ एकै मञ्‍चबाट सम्बोधन गर्ने भएका छन् । तीन बुँदे सहमतिसँगै शुक्रबार दिउँसो २ बजे विशेष कार्यक्रमबीच सम्बोधन गर्ने बताइएको छ । सरकारी वार्ता टोली र विप्लव नेकपाको वार्ता टोलीबीच बिहीबार तीन बुँदे सहमति भएको थियो ।

सहमतिमा नेपाल कम्युनिस्ट पार्टीले आफ्ना सम्पूर्ण राजनीतिक विषयहरूको समाधान सम्वादका माध्यमबाट गर्ने, आफ्ना सम्पूर्ण राजनीतिक क्रियाकलापहरू शान्तिपूर्ण रूपमा सञ्चालन गर्ने र नेपाल सरकारका तर्फबाट लगाइएको प्रतिबन्ध हटाउने, सम्पूर्ण बन्दीको रिहाइ र मुद्दा खारेजीलगायत विषयहरू रहेका छन् ।