कांग्रेस अहिले सत्तामा जान उपयुक्त छैन : नेता केसी

२१ फागुन । चितवन । नेपाली कांग्रेसका केन्द्रीय सदस्य अजुर्ननरसिंह केसीले कांग्रेस अहिले सत्तामा जान उपयुक्त नभएको बताएका छन् । चितवनको भरतपुरमा नेपाल प्रेस युनियनले शुक्रबार गरेको पत्रकार सम्मेलनमा बोल्दै नेता केसीले जनताले पाँच वर्ष विपक्षमा बस्ने जनादेश दिएकोले कांग्रेस सत्तामा जान हतार नगर्ने बताएका हुन् ।

नेता केसीले नेपाल कम्युनिस्ट पार्टी ‘नेकपा’को कुनै एक पक्षलाई सर्मथन गरेर कांग्रेस विपक्षमा नै बसेर आफ्नो धर्म निर्वाह गर्नुपर्ने बताए । पार्टी सभापति शेरबहादुर देउवाले प्रधानमन्त्री पद नमाग्ने पाए नछोड्ने बताइसकेको अवस्थामा तपाईहरुले रोक्न सक्नुहुन्छ त भन्ने पत्रकाहरुको प्रश्नमा नेता केसीले विधिवत रुपमा नेकपा फुटिनसकेको, कानुनी र प्राविधिक रुपले एक भएकोले औपचारिक विभाजन पछि एउटा पक्षलाई सहयोग गरेर अर्को निर्वाचनको तयारी गर्नुपर्छ, पार्टीले निर्णय गर्न बाँकी छ, सत्तामा जाँदा त्यसलाई जनताले राम्रो मान्दैनन् । ’ नेता केसीले कांग्रेसको आगामी महाधिवेशनमा आफू पार्टी सभापतिको उम्मेदवार भएको बताए ।