ओली र विप्लव राष्ट्रियसभागृह पुगे, संचारकर्मीको बाक्लो उपस्थिती

२१ फागुन, काठमाडाैं । व्रिदोही दल नेपाल कम्युनिष्ट पार्टी र नेपाल सरकारबीच भएको ३ बुँदे सहमतिपत्र आज सार्वजनिक हुदै छ। सो कार्यक्रमलाई नेकपा महासचिव नेत्रविक्रम चन्द ‘विप्लव’ र प्रधानमन्त्री केपी ओलीले सम्बोधन गर्नेछन।

विप्लव आजमात्रै काठमाडौं आएका हुन। बालुवाटारमा छलफल पछि प्रधानमन्त्री केपी ओली र नेकपा महासचिव विप्लव राष्ट्रियसभागृह पुगेका छन् । राष्ट्रियसभागृह वरपरको सुरक्षाव्यवस्था कडा पारिएको छ।

राष्ट्रियसभागृहमा परराष्ट्रमन्त्री प्रदीप ज्ञवाली, खानेपानी मन्त्री मणी थापा, कानुनमन्त्री भानुभक्त ढकाल लगायतका मन्त्रीहरु पनि त्यहा पुगेका छन् विप्लव समर्थकको पनि बाक्लै नारावाजी छ ।

संचारकर्मीको बाक्लो उपस्थिती छ । विप्लव शुक्रबार विहान नवलपराशीबाट काठमाडौँ आएका हुन । उनी प्रधानमन्त्री ओलीसँग वार्ता गरेर वालुवाटारबाट राष्ट्रिय सभा गृह पुगेका छन् । ओली र विप्लव साक्षी रहेर उनीहरुका प्रतिनिधिले सम्झौतामा हस्ताक्षर गर्ने छन ।