न्यूजिल्याण्डविरुद्धको टी–२० सिरिजकाे चौथो खेलमा अष्ट्रेलिया विजयी

२१ फागुन, काठमाडौं । न्यूजिल्याण्डसँगको टी–२० सिरिजको चौथो म्याच पाहुना टोली अष्ट्रेलिया ५० रनले विजयी भएको छ ।

न्यूजिल्याण्डले १८.५ ओभरमा सबै विकेट गुमाएर १ सय ६ रन मात्र बनाउन सक्यो ।

उसका लागि काइल जेमिसनले ३०, टिम साइफेर्टले १९ र डेभन कोन्वेले १७ रनको योगदान दिए । बाँकी ब्याट्सम्यानले दोहोरो अंकमा समेत रन बनाउन सकेनन् ।

बलिङमा केन रिचर्डसनले ३, एस्टन अगर, झय रिचर्र्डस, एडम जम्पा, ग्लेन म्याक्सवेलले २/२ विकेट हात पारे ।

अष्ट्रेलियाको यो जितसँगै पाँच खेलको सिरिज २-२ को रोमाञ्चक अवस्थामा पुगेको छ । अब यी दुई टिमबीचको अन्तिम तथा निर्णायक म्याच आइतबार हुनेछ ।