आगामी सोमबारसम्म सामान्य वर्षा र हिमपातको सम्भावना

२२ फागुन, काठमाडौं । जल तथा मौसम पूर्वानुमान महाशाखाले आज पश्चिमी वायुको प्रभावका कारण बिहानैदेखि मौसम बदली भएको छ । देशका केही पहाडी भू-भागहरूमा आंशिकदेखि सामान्यरुपमा बदली भएको जनाएको छ ।

महाशाखाका अनुसार आज प्रदेश १ बागमती प्रदेश तथा गण्डकी प्रदेशका पहाडी तथा हिमाली भू-भागहरुको एक र दुई स्थानमा हल्का वर्षा र हिमपातको सम्भावना रहेको छ ।

सामान्य वर्षा र हिमपातको सम्भावना आगामी सोमबारसम्म रहेको छ । अन्य प्रदेशमा भने सामान्यतया मौसम सफा रहने महाशाखाको अनुमान छ । काठमाडौंमा भने शुक्रबार साँझ नै पानी परेको थियो ।

आगामी तीन दिनको मौसम पूर्वानुमान

फागुन २२ गते (शनिबार)

दिउँसो : प्रदेश १ बागमती प्रदेश तथा गण्डकी प्रदेशका पहाडी भू-भागहरुमा आंशिक देखि सामान्य बदली रही बाँकी भू-भागहरूमा मौसम सामान्यतया सफा रहने छ।  प्रदेश १ बागमती प्रदेश तथा गण्डकी प्रदेशका पहाडी तथा हिमाली भू-भागहरुको एक-दुई स्थानमा हल्का वर्षा-हिमपात को सम्भावना रहेको छ ।

राती :  प्रदेश १ बागमती प्रदेश तथा सुदूरपश्चिम प्रदेश का पहाडी भू-भागहरुमा आंशिक देखि सामान्य बदली रही बाँकी प्रदेशका पहाडी भू-भागहरूमा आंशिक बदली रहने र बाँकी भू-भागहरूमा मौसम सामान्यतया सफा रहने छ।  प्रदेश १ बागमती प्रदेश तथा सुदूरपश्चिम प्रदेश को को पहाडी-हिमाली भू-भागहरुको एक-दुई स्थानमा हल्का वर्षा-हिमपातको सम्भावना रहेको छ ।

फागुन २३ गते (आइतबार)

दिउँसो : देशका पहाडी भू-भागहरुमा आंशिकदेखि सामान्य बदली भई बाँकी भू-भागहरूमा मौसम सामान्यतया सफा रहने छ। प्रदेशहरुको पहाडी तथा हिमाली भू-भागहरुको केही स्थानहरुमा हल्का वर्षा-हिमपात को सम्भावना रहेको छ ।

राती :  प्रदेश नं १ र सुदुरपश्चिम प्रदेशमा साथै  बाँकी प्रदेशका पहाडी भू-भागहरुमा आंशिकदेखि सामान्य बदली भई बाँकी भू-भागहरूमा मौसम सामान्यतया सफा रहने छ। प्रदेशहरुको पहाडी तथा हिमाली भू-भागहरुको केही स्थानहरुमा हल्का वर्षा-हिमपात को सम्भावना रहेको छ ।

फागुन २४ गते (सोमबार)

दिउँसो : प्रदेश नं १ र सुदुरपश्चिम प्रदेशमा साथै  बाँकी प्रदेशका पहाडी भू-भागहरुमा आंशिक देखि सामान्य बदली भई बाँकी भू-भागहरूमा मौसम सामान्यतया सफा रहने छ। प्रदेशहरुको पहाडी तथा हिमाली भू-भागहरुको केही स्थानहरुमा हल्का वर्षा-हिमपातको सम्भावना रहेको छ ।

राती : देशका पहाडी भू-भागहरुमा आंशिक देखि सामान्य बदली भई बाँकी भू-भागहरूमा मौसम सामान्यतया सफा रहने छ।  प्रदेशहरुको पहाडी तथा हिमाली भू-भागहरुको केही स्थानहरुमा हल्का वर्षा-हिमपात को सम्भावना रहेको छ ।