अविश्वास प्रस्ताव अन्यौलमा, ओली पक्ष संसद अवरोध गर्ने तयारीमा
नेपालबहस संवाददाता
फागुन २३, २०७७ आइतबार १५:५५:७
२३ फागुन, काठमाडौं । नेकपाका पुष्पकमल दाहाल ‘प्रचण्ड’ र माधवकुमार नेपाल पक्षले प्रधानमन्त्री केपी शर्मा ओली विरुद्धको अविश्वास प्रस्ताव अघि बढाउने तयारी गरेपनि अझै अन्यौलमा रहेका छन् । ओलीले आइतबारको प्रतिनिधिसभा बैठकबाट राजीनामा नदिए कांग्रेससँग समझदारी गरेर अविश्वास प्रस्ताव अघि बढाउने तयारी गरिएपनि कांग्रेसले अहिलेसम्म ग्रीनसिग्न नदिएका कारण अन्यौलमा परेको हो ।
प्रधानमन्त्रीबाट केपी शर्मा ओलीलाई जसरी पनि हटाउनुपर्ने भएपछि अविश्वास प्रस्तावका लागि प्रचण्ड–माधव पक्षले अग्रसरता लिएका छन् । तर नेकपा औपचारिक रुपमा विभाजन नभएपछि आफैले अविश्वासको प्रस्ताव दर्ता गर्न असजिलो भएको छ । प्रधानमन्त्रीमा भने कांग्रेस सभापति सभापति शेरबहादुर देउवालाई प्रस्ताव गरिने नेताहरुको भनाइ छ ।
तर देउवा आफै भने इच्छा नभएको बताउदै आएका छन् । यसअघि प्रतिनिधिसभा विघटन गरिएकै दिन अर्थात् पुष ५ गते प्रचण्ड–माधव पक्षले संसद सचिवालयमा प्रधानमन्त्री ओली विरुद्ध अविश्वास प्रस्ताव दर्ता गराएका थिए । तर अविश्वास प्रस्ताव दर्ता गर्दाको समयका कारण त्यो प्रस्ताव विवादित भएपछि त्यसलाई फिर्ता लिइ नयाँ प्रस्ताव दर्ता गर्ने तयारी भएको हो ।
प्रतिनिधिसभा पुनःस्थापित भएपछिको नयाँ परिस्थितिमा भने प्रचण्ड–माधव पक्षले देउवालाई प्रधानमन्त्रीका लागि प्रस्ताव गर्दै आएका छन् । प्रतिनिधिसभा पुनस्थापना भए लगत्तै चितवन पुगेका दुवै अध्यक्ष चितवनको सभा छाडेर देउवा निवासमै पुगेर प्रधानमन्त्री पद दिएका थिए । सर्वोच्च अदालतले प्रतिनिधिसभा पुनःस्थापित गरिदिएपछि ओलीले राजीनामा दिने अपेक्षा गरिएको थियो । तर उनले राजीनामा नदिने बरु हटाएर देखाउन चुनौती दिएका छन् । उनले शनिवार संसदीय दलको बैठक राखेर ससंदमै फेस गर्ने बताए ।
त्यसका अतिरिक्त संसदमा सभामुख अग्नी सापकोटाले संसदीय दलको नेताको रुपमा ओलीलाई मान्यता नदिए सशक्त प्रतिवाद गर्ने समेत तयारी गरेका छन् । अविश्वासको प्रस्ताव पारित गरेर उनलाई थप नैतिक संकट सिर्जना गर्ने प्रयासमा नेकपाको एक पक्ष र कांग्रेसबीच छलफल अघि बढाएको थाह पाएपछि ओली पक्ष सदन चल्न नदिने तयारीमा लागेको हो ।
ओली विरुद्ध अविश्वास प्रस्ताव अघि बढाउन प्रचण्ड–माधव पक्ष र कांग्रेस सभापति देउवा निकट नेताहरु सक्रिय भएका छन । शनिबार दुवै पक्षका नेताहरुले भेटघाट गरे पनि निक्र्योलमा पुग्न सकेनन । देउवालाई भावी प्रधानमन्त्रीको रुपमा प्रस्तावित गरेर अघि बढ्न दुवै पक्ष यसअघि सहमत भइसकेको बताएपनि कांग्रेसभित्र विवाद भएकाले अझै निक्र्योल नभएको स्रोतको दावी छन् । शनिबारको छलफलमा भावी सरकारको मन्त्रालय भागबण्डाको विषयमा समेत छलफल भएको थियो तर अविश्वासको प्रस्ताव कसले लैजाने भन्ने बारेमा अझै अन्यौल कायमै रहेको छ ।
प्रतिनिधिसभामा नेकपाका १७४ सांसदमध्ये १७२ जना मतदान गर्न पाउँछन् । यसमध्ये प्रचण्ड–माधव पक्षले प्रतिनिधिसभाका ८७ ओली पक्षले ९१ दाबी गरेको छ । कांग्रेससँग प्रतिनिधिसभामा कुल ६३ जना मध्ये २ जना निलम्बनमा भएकाले ६१ जनाले मात्रै मतदान गर्न पाउँछन् । सरकार बन्न १ सय ३८ जना सांसद चाहिन्छ । प्रचण्ड–माधव पक्ष र कांग्रेस एक ठाउँमा उभिए प्रधानमन्त्री विरुद्धको अविश्वास प्रस्ताव पास हुनसक्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार