नेपाल हाइड्रोले गर्यो लाभांश घोषणा

२३ फागुन, काठमाडौं । नेपाल हाइड्रो डेभलोपर्स लिमिटेडले लाभांश घोषणा गरेको छ । कम्पनीले गत आर्थिक वर्षको मुनाफाबाट शेयरधनीलाइ १५.७८५ प्रतिशत लाभांश घोषणा गरेको हो ।

कम्पनीको फागुन २० गते बसेको बैंठकले शेयरधनीलाई १५ प्रतिशत बोनस शेयर, ०.७८९ प्रतिशत नगद लाभांश दिने प्रस्ताव ल्याएको हो । उक्त लाभांश आमामी साधारण सभाले पारित गरे पश्चात शेयरधनीले पाउनेछन्  ।

साथै, संचालक समितिको २०७५ पुष ९ गते बसेको बैठकबाट आर्थिक वर्ष २०७४/७५ सम्मको संचित मुनाफाबाट शेयरधनीहरुलाई ४ प्रतिशत बोनस शेयर वितरण गर्ने निर्णय भएको तर कारण सभा हुन नसकेको र सो को लागि शेयर दाखिला बन्द समेत नभएकाले उक्त ४ प्रतिशत बोनस शेयर समावेश रहने गरी माथि उल्लेखित २०७६/७७ सम्मको संचित मुनाफाबाट १५ प्रतिशत बोनस शेयर प्रस्ताव गरिएको कम्पनीले जनाएको छ ।

सो लाभांश प्रस्ताव पारित गर्न कम्पनीले चैत १७ गते १२ औँ, १३ औँ र १४ औँ वार्षिक साधारण सभा डाकेको छ। साधारण सभा तथा लाभांश वितरण प्रयोजनार्थ कम्पनीले चैत ३ गते बुकक्लोज गर्ने भएको छ।

यस अनुसार चैत २ गतेसम्म नेप्सेमा कारोबार भइ कायम शेयरधनीहरुले कम्पनीको सभामा सहभागिता जनाउनका साथै लाभांश प्राप्त गर्न सक्नेछन्।