सडक मर्मत पछि यात्रामा सहज हुदै
नेपालबहस संवाददाता
फागुन २३, २०७७ आइतबार १९:३७:७
२३ फागुन,बलेवा । असजिलो बाटो त्यहीमाथि साँघुरो । स–साना सवारी साधनसमेत कठीन यात्रा गरेर तमानखोला गाउँपालिकाको केन्द्र बोङगादोभान पुग्थे । दोहोरो सवारीको आवतजावत नहुने । कच्ची सडकको ठाउँठाउँमा परेका खाल्डाखुल्डीले सवारीलाई उचाल्ने र पछार्ने गर्दा यात्रुलाई लाग्थ्यो गन्तव्यमा सकुशल पुगिन्छ या पुगिँदैन् ।
दुई वर्ष पहिलेसम्म बाग्लुङको तमानखोलाको केन्द्र बोङगादोभान पुग्नु ठूलै युद्ध जितेको जस्तै हुन्थ्यो । ढोरपाटन नगरपालिकाको केन्द्र बुर्तिबाङ बजारदेखि झण्डै दश किलोमिटरको दूरीको यात्रा घण्टौं लागेर सवारीले सडक पार गर्थे । अहिले परिस्थिति बद्लिएको छ । विसं २०७२ मा भूकम्पका कारण जिल्लाभरका सडकमा सबैभन्दा मारमा यही सडक पर्यो । कमजोर भू–भागमा रहेको सडक भूकम्पको शिकार बनेपछि भने अहिले मुहार नै फेरिएको छ ।
भूकम्प गएको छ वर्ष पुग्नैलाग्दा बाग्लुङमा क्षति भएको सो सडकको स्तरवृद्धिको काम सकिएको छ । सडकलाई बाह्रैमहिना सञ्चालनमा आउन सक्ने गरी दुईवटा मोटरवेल पुल निर्माणधीन अवस्थामा छन् । ढोरपाटन र तमानखोला जोड्ने करीब दश किलोमिटर सडक स्तरोवृद्धि भएपछि अहिले सहज यात्रा हुन्छ ।
भूकम्पले क्षतिग्रस्त बुर्तिबाङ–खुङ्गा–बोङगादोभान–खंङखानी सडकमा क्षति गरेको थियो । तमानखोलाको दुर्गम वडालाई पालिका केन्द्रमा जोड्ने गरी क्षतिग्रस्त सडक स्तरोवृद्धि गरेको राष्ट्रिय पुनःनिर्माण प्राधिकरण जिल्ला आयोजना कार्यान्वयन एकाइ अनुदान व्यवस्थापन तथा स्थानीय पूर्वाधार सडकका इन्जिनीयर हरिशचन्द्र बडूले जानकारी दिए ।
सब–वेस प्रकारको सडक कालिका प्यासिफिक जेभीले २०७५ वैशाख १० गते सम्झौता गरी निर्माण कार्य थालेको थियो । निर्माण कम्पनीले २०७६ साल कात्तिक ९ गते निर्माण सम्पन्न गरे पनि हस्तान्तरण हुनसकेको छैन । एक वर्षे परीक्षणकाल रहेको हुँदा चालू वर्षको अन्तिमसम्म सडक आयोजनालाई निर्माण कम्पनीले हस्तान्तरण गर्ने इन्जिनीयर बडुको भनाइ छ । जिल्लामा एउटा मात्र सडक पुनःनिर्माणको लागि योजना स्वीकृति भएको थियो ।
निर्माण कम्पनीले अहिले बर्खाको पानीले क्षतिग्रस्त सडकमा ग्याबिनजाली, मेसिनरीवाल, नाली निर्माणको काम गरिरहेको छ । रु १५ करोड ७९ लाख १४ हजार ६४३ को लागतमा सडक पुनःनिर्माण गरिएको हो । एक वर्षको परीक्षण अवधि सकिएपछि गण्डकी प्रदेशको भौतिक पूर्वाधार मन्त्रालयलाई हस्तान्तरण गरिने छ ।
सडकलाई पाँचमिटर फराकिलो बनाइएको छ । घुम्ती र अप्ठ्यारो ठाउँमा पाँच मिटरभन्दा फराकिलो सडक निर्माण गरिएको इन्जिनीयर बडूको भनाइ छ । बुर्तिवाङ–खुङ्गा–बोङगादोभान–खंङखानी सडकखण्डको दुई स्थानामा मोटरेवेल पुनःनिर्माणधीन छन् । सडकखण्डको लुकुरवान खोलामा २५ मिटरको पुल कर्ण प्रदीप जुम्ली जेभीले गत वर्षको मङ्सिर २ गतेदेखि निर्माण थालेको थियो । उक्त पुलको ६५ प्रतिशत निर्माणकार्य सम्पन्न भएको छ ।
चालीस मिटर लम्बाइको भालीवाङ खोला पुल नयाँ बाटो सूर्योदय जिएस जेभीले गत असोज १२ गते सम्झौता गरी निर्माण कार्य थालेको छ । इन्जिनीयर बडूका अनुसार उक्त पुलको भौतिक प्रगती २५ प्रतिशत छ । रु चार करोड ४२ लाखमा भालुवाङ पुल निर्माण हुँदैछ । दुई पुल निर्माणपश्चात् पालिकाभित्र बाह्रैमहिना सडक सञ्चालनमा आउने तमानखोला गाउँपालिका अध्यक्ष जोकलाल बुढाले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपोखरामा सवारी दुर्घटना हुँदा पोखरामा ८ चिनियाँ घाइते
बैशाख ६, २०८१ बिहिबार
गण्डकीमा सर्वोच्चको आदेश नटेर्ने एमालेको रणनीति
बैशाख ५, २०८१ बुधबार
गण्डकी प्रदेश प्रमुख भट्टले वैशाख ७ मा बोलाए अधिवेशन
बैशाख ५, २०८१ बुधबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
सत्ता समीकरणमा खटपट चलिरहेका बेला देउवा र नेपालको भेटले थप्यो अर्को तरंग
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार