मोटरसाइकलकाे ठक्करबाट वृद्धको मृत्यु, चालक नियन्त्रणमा

२३ फागुन, सप्तरी । सप्तरीमा बाटो क्रस गर्ने क्रममा मोटरसाइकलले ठक्कर दिँदा  एक जना वृद्धको मृत्यु भएकाे छ ।

जिल्लाकाे पूर्वपश्चिम राजमार्ग अन्तर्गत शम्भुनाथ नगरपालिका-५ तारखोलामा पूर्वबाट पश्चिमतर्फ जाँदै गरेको बा ४० प २२१५ नम्बरको मोटरसाइकलले ठक्कर दिँदा रौतहटको देवाही गोनाही नगरपालिका-९ घरहरी निवासी ब्रम्हदेव साह भनिने ६५ वर्षीय रेखा दासको मृत्यु भएको हाे ।

प्रहरीका अनुसार रौतहटकै इटबालस्थित राम मन्दिरका महन्थ रहेका दासलाई बाटो क्रस गर्ने क्रममा शुक्रबार राति मोटरसाइकलले ठक्कर दिँदा वृद्ध गम्भीर घाइते भएका थिए । उनलाई उपचारका लागि विराटनगर पठाइएपनि उपचारकै क्रममा आइतबार बिहान मृत्यु हाे ।

ठक्कर दिने मोटरसाइकल चालक शम्भुनाथ नगरपालिका-६ बस्ने ३० वर्षीय मो. रमजानीलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।