‘कांग्रेस अब नयाँ सोच र नयाँ बिचारका साथ अघि बढछ’ – नेता डा. कोइराला

२३ फागुन काठमाडौं । नेपाली कांग्रेसका प्रभावशाली नेता डा. शेखर कोइरालाले सत्तारुढ नेपाल कम्युनिष्ट पार्टी (नेकपा) विभाजन नभइ सरकारमा जाने/नजाने, सरकारको नेतृत्व गर्ने/नगर्ने वा कुनै अमुक दललाई समर्थन गर्ने/नगर्ने बारेमा हतारमा पार्टीले कुनै पनि कदम चाल्न नहुने बताए ।

नेपालको राजनीति अत्यन्तै तरल अवस्थामा रहेको र दिनै पिच्छेका फरक फरक समिकरणका हल्लाले नेपाली काङ्ग्रेसलाई नै कमजोर बनाउन सक्ने तर्फ सचेत रहन पनि पार्टी नेतृत्व पंति र कार्यकर्ताहरुलाई आव्हान समेत गरेका छन् ।

राजधानीमा शनिबार ओयोजित वीपी स्मृति सामुदायिक सहकारी अस्पतालको १३ औं वार्षिक साधारण सभामा बोल्दै नेता डा. कोइरालाले नेपाली काङ्ग्रेस पार्टीले नेकपाको विगतको गतिबिधिहरुलाई अध्ययन गर्दै नेकपाका आगामि क्रियाकलापहरुको शुक्ष्मरुपमा अध्यन गर्दै नेकपा विभाजनको अवस्थामा जाने नजाने कुराको निर्क्यौल नभएसम्म कुनपर्ने बताए ।

काङ्ग्रेस नेता डा. कोईरालाले कांग्रेस नेतृत्वले आगामी चुनाव गराउनु पर्नेमा जोड दिँदै यसका लागि सरकारको नेतृत्व गर्दै सरकारमा जानुपर्ने धारणा समेत ब्यक्त गरेका छन् ।

पार्टीको महाधिवेशन समयमै गराउन नसकेको प्रति रोष प्रकट गर्दै नेता डा। कोईरालाले आफ्नै पार्टीको अधिवेशन गराउने नसक्ने पार्टी कसरी लोकतन्त्रवादी भयो रुरु भन्दै बर्तमान पार्टी नेतृत्वप्रति गम्भिर प्रश्न उठाउनुभएको छ । ‘

काङ्ग्रेसका प्रभावशाली नेता डा. शेखर कोईरालाले खुलेरै वर्तमान काङ्ग्रेस नेतृत्वको आलोचना समेत गरे । उनले भने, ‘दश वर्ष सम्म एउटा, दुईटा हैन दर्जनौ भातृ संस्थाहरूको अधिवेशन हुन सकेको छैन, पार्टी र भातृसंगठनहरुमा अहिले पनि पुरानै अनुहार हावि भैरहेका छन्, पार्टीमा युवापुस्ताको उपस्थिति अत्यन्तै न्युन छ, पार्टीलाई चलायमान गराउने कुनै गतिविधिहरु सञ्चालन गर्न सकिरहिएको छैन, अनि पार्टी कसरी बन्छ ?,’ पार्टीका गतिविधिहरु कसरि अगाडि बढछ ? उनले प्रश्न गरे, र अगाडि भने अब पनि उहि ‘पुरानै अनुहारको नेतृत्वले झण्डा बोकेर हिडने र नयाँ, जुझारु, सकृय र नेतृत्व सम्हाल्न सक्ने युवाहरुलाई नेतृत्वमा नल्याउने हो भने पार्टीले अग्रगमन र देशले बिकासको को बाटो समाउन सक्दैन ।

अब पनि ३० बर्ष अगाडिको सोच र उहि पुरानो बिचारधारा बोकेर बसिरहने हो भने हामि पनि पुरानै अवस्थामा रहिरहने छौ भन्दै अब पार्टीलाई नयाँ विचारधारा र नयाँ नेतृत्वबाट अगाडि बढाउनु पर्नेमा जोड दिनु भएको छ ।

अब पनि ब्यक्तिगत फाईदा र निहित स्वार्थमा काङ्ग्रेस नेतृत्व अल्झिरहने हो भने र पार्टी लाई लोकतान्त्रिक तवरले अगाडि नबढाउने हो भने कांग्रेसले फेरि पनि ठूलो हार बेहार्नु पर्दैन भन्ने के ग्यारेन्टी ? भन्दै काङ्ग्रेस नेता डा. शेखर कोईरालाले अब काङ्ग्रेसमा नेतृत्व परिवर्तन हुने र नयाँ नेतृत्वले नयाँ र चलायमान काङ्ग्रेस बनाउनेमा अफु ढुक्क भएको धारणा राख्नु भएको थियो ।