संसदमा प्रचण्ड–माधव सक्रिय

२३ फागुन, काठमाडौं । सर्वाेच्च अदालतले व्युँताइदिएको प्रतिनिधिसभा बैठक आज बस्नुअघि प्रचण्ड–माधव समूहको दौडधूप बढेको छ । प्रधानमन्त्री केपी ओलीले हठात् हत्या गरेको संसद पुनस्थापित भएपछि त्यसलाई व्यवस्थित ढंगले चलाउने दायित्व आफूहरुको भएको भन्दै यो समूहले दौडधूप बढाएको दावी गरेको छ ।

आजै प्रचण्ड–माधव समूहले संसद सचिवालयका महासचिव डा. भरतराज पौडेलसँग भेट गरी नेकपाको वहुमत सांसद आफूहरुसँग भएकाले सोही बमोजिमको व्यवहार गर्न दबाब दिएका छन् ।

हामीले गरेका आधिकारिक निर्णयहरुको पालना सचिवालयले गरोस् भन्ने कुरा मात्रै राख्ने जानकारी यो पक्षका संसदीय दलका प्रमुख सचेतक देव गुरुङले दिएका छन् ।

अहिले महासचिव पौडेलसँग नेकपा प्रचण्ड–माधव पक्षका नेताहरु पुष्पकमल दाहाल ‘प्रचण्ड’, माधवकुमार नेपाल , देव गुरुङ, कृष्णभक्त पोखरेल लगायत नेताले भेट गरिरहेका छन् ।