भौगर्भिक अनुभव आदानप्रदान गर्न अन्तरराष्ट्रिय सम्मेलन
नेपालबहस संवाददाता
फागुन २३, २०७७ आइतबार २१:५६:२६
२३ फागुन,काठमाडौं । हिमालय क्षेत्रमा गरिएका पछिल्ला अध्ययन, अनुसन्धान एवं प्रयोग बारे जानकारी दिन तथा प्राप्त ज्ञानको आदानप्रदान गर्न आजदेखि अन्तराष्ट्रिय सम्मेलन शुरुआत भएको छ ।
नेपाल भौगर्भिक समाजद्वारा आयोजित सो दशौं सम्मेलनको नारा ‘दिगो विकास र समृद्धिको लागि भू–विज्ञान’ भन्ने रहेको छ । सम्मेलनको शुभारम्भ समारोहमा सरोकारवाला व्यक्तिले यस प्रकारका सम्मेलनबाट यस क्षेत्रमा गरिने विकास निर्माणका कार्यमा भूगर्भ विज्ञानको उपयोग, राष्ट्रको समृद्धिका लागि खानी तथा खनिजको दिगो सदुपयोगमा जोड दिनुपर्ने बताए ।
साथै उनीहरुले प्राकृतिक प्रकोप घटाउने, वातावरण विनाश रोकथाम, जलवायु परिवर्तन तथा भूकम्पीय प्रकोपका असर कम गर्ने सन्दर्भमा समेत सम्मलेनका निष्कर्षले मार्ग निर्देशन हुनेमा जोड दिए । कार्यक्रममा उद्योग, वाणिज्य तथा आपूर्तिमन्त्री लेखराज भट्टले मुलुकको समृद्धिका लागि मात्र नभई विपद् जोखिम न्यूनीकरण र व्यवस्थापनका लागिसमेत भौगर्भिक ज्ञान र अनुभवको अपरिहार्यता रहेकामा जोड दिए । उनले वर्षेनी प्राकृतिक विपद् भोग्नुपर्ने नेपाल जस्तो भौगोलिक अवस्था रहेका मुलुकका लागि भौगर्भिक क्षेत्रका नवीतनम् अनुभव महत्व अपरिहार्य भए पनि यस क्षेत्रले आवश्यकताअनुसार प्राथमिकता पर्न नसकेको उल्लेख गरे । मन्त्री भट्टले सम्मेलनका निष्कर्ष मुलुकको विकासका योजना निर्माणमा लाभदायी हुने र सरकारले त्यस्ता ज्ञान र अनुभवलाई प्राथमिकताका साथ उपयोग गर्नेमा समेत जोड दिए ।
उद्योग राज्यमन्त्री विमला विकले नेपालमा भूकम्पपछि पूर्वाधारका संरचना बनाउँदा सुरक्षामा बढी ध्यान दिन थालिएको उल्लेख गर्दै त्यसका लागि यस्ता सम्मेलन र अनुभव आदानप्रदानको महत्व बढेको धारणा व्यक्त गरिन् । ‘सुखी नेपाली, समृद्ध नेपाल’ को राष्ट्रिय आकाङ्क्षा पूरा गर्न पूर्वाधार व्यवस्थित गर्नुपर्ने बताउँदै उनले यसमा भौगर्भिक क्षेत्रका नयाँ अनुसन्धान र सुझावको खाँचो रहेको औंल्याईन् ।
सम्मेलनमा नेपाललगायत संयुक्त राज्य अमेरिका, संयुक्त अधिराज्य, अष्ट्रेलिया, न्यूजिल्याण्ड, जापान, पोल्याण्ड, भारत पाकिस्तान, बङ्गलादेश, म्यान्माका वैज्ञानिक, अनुसन्धानकर्ता र सरकारी अधिकारीसमेत भाग लिने वा कार्यपत्र प्रस्तुत गर्नुहुने आयोजनले जनाएको छ । सम्मेलनमा विशेषतः खानीजन्य पदार्थको पहिचान र उत्खनन्, पूर्वाधार विकासमा इञ्जिनीयरिङ भौगर्भिक, प्रकोप व्यवस्थापन र विपद् जोखिम न्यूनीकरण, भूमिगत जल र जलस्रोत, कोभिड–१९ र यसको असर, भूगर्भ विज्ञानको उपयोग गर्ने नेपाल सरकारका नीति र कार्यक्रम, भूकम्प र भूकम्पीय जोखिमलगायत विषयमा ७० भन्दाबढी कार्यपत्र पेश हुनुका साथै वैज्ञानिकबीच अनुभवको आदानप्रदान हुनेछ ।
कार्यक्रममा राष्ट्रिय पुनःनिर्माण प्राधिकरणका प्रमुख कार्यकारी अधिकृत सुशील ज्ञवालीले भौतिक पूर्वाधारका संरचना निर्माणमा भूगर्भविद् र भौगर्भिक ज्ञानको महत्वपूर्ण योगदान आवश्यक रहेको बताउँदै भूईन्जिनियरिङ बिना दिगो पूर्वाधार विकास नहुने उल्लेख गरे । राष्ट्रिय योजना आयोगका सदस्य रामकुमार फुयाँलले मुलुकको कूल गार्हस्थ उत्पादनमा खानी र खनिजको योगदान न्यून भएको तथ्याङ्क उल्लेख गर्दै यस क्षेत्रका नवीनतम अनुसन्धानको सहयोगले दिगो उत्पादनमा टेवा पुग्ने विश्वास व्यक्त गरे ।
जल तथा ऊर्जा आयोगका सचिव सागरकुमार राईले योजना तहमा भूगर्भविद्को उपस्थितिले मात्र विकासका पूर्वाधार दिगो हुने धारणा व्यक्त गर्दै सम्मेलनमा पानीदेखि खानी र सुरुङलगायत विकास निर्माणका विषयबारे छलफल हुने अपेक्षा गरे । विसं २०३७ मा स्थापना भएको समाज नेपालका सम्पूर्ण भूगर्भविद्को वैज्ञानिक पेशागत समाज हो । समाजले नेपाली भूगर्भविद्को भौगर्भिक ज्ञानको विकास गर्न र विश्वमा भएका भौगर्भिक अध्ययन अनुसन्धानबारे विचारविमर्श गर्न प्रत्येक तीन वर्षमा नेपाल भौगर्भिक सम्मेलनको आयोजना गर्दै आएको छ । यसबाहेक समाजले समयसमयमा अन्य राष्ट्रिय तथा अन्तरराष्ट्रियस्तरका सेमिनार, सम्मेलन तथा कार्यशाला आयोजना गर्दै आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसांसद डा. शर्माद्वारा बाल अस्पताललाई २० लाख सहयोग
बैशाख ६, २०८१ बिहिबार
रुसी सेनामा कार्यरत आफन्तद्वारा सिंहदरवारमा प्रदर्शन, ११ जना पक्राउ
बैशाख ६, २०८१ बिहिबार
देशभर आज मौसम सफा रहने
बैशाख ५, २०८१ बुधबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
भोटखोलामा अवरुद्ध टेलिफोन सेवा एक सातापछि सञ्चालन
बैशाख ७, २०८१ शुक्रबार
अफ्रिकी किशोरी भन्छन्- नेपाली भाषा र संस्कृति लैजान्छौँँ
बैशाख ७, २०८१ शुक्रबार
नेपालले यूएईलाई दियो १२० रनको सामान्य लक्ष्य
बैशाख ७, २०८१ शुक्रबार
योगेशले बुढानिलकण्ड पुगेर देउवालाई दिए निम्तो
बैशाख ७, २०८१ शुक्रबार
शमी साहित्य साधना सम्मान घोषणा
बैशाख ७, २०८१ शुक्रबार
पाथीभरा क्षेत्रमा मदिरा बिक्री तथा सेवनमा प्रतिबन्ध
बैशाख ७, २०८१ शुक्रबार