श्रीलंकासँगको ‘टी–२० सिरिज’ वेष्ट इण्डिजले जित्यो, बने तीन रेकर्ड

२४ फागुन, काठमाडौं । श्रीलंकासँगको टी–२० सिरिज घरेलु टोली वेष्ट इण्डिजले जितेको छ । तेस्रो तथा निर्णायक खेलमा श्रीलंकालाई तीन विकेटले हराउँदै वेष्ट इण्डिजले २–१ ले सिरिज जितेको हो । उक्त सिरिजमा तीन नयाँ रेकर्ड बनेका छन् । एउटै म्याचमा ६ बलमा ६ छक्का, ह्याट्रिक र सोही बलरले ६ बलमा ६ छक्का खाएका हुन् ।

सिरिजको अन्तिम खेलमा श्रीलंकाले दिएको १ सय ३२ रनको लक्ष्य वेष्ट इण्डिजले १९ ओभरमा सात विकेट गुमाएर भेट्टायो ।

उसका लागि लिन्डल सिमन्सले २६, निकोलश पूरनले २३, इभन लुईस, फाबियन आलनेले २१र२१ र क्रिस गेलले १३ रन बनाए । बाँकी ब्याट्सम्यानले भने दोहोरो अंकमा समेत रन जोड्न सकेनन् ।

बलिङमा लक्षण सदाकनले तीन, वानिन्दु हसरंगा र दुश्मन्था चामेराले दुईरदुई विकेट लिए ।

त्यसअघि, टस जितेर पहिला ब्याटिङ गरेको श्रीलंकाले निर्धारित २० ओभरमा चार विकेट गुमाएर १ सय ३१ रन बनायो ।

उसका लागि दिनेश चन्डिमलले ५४, एशन भण्डाराले अविजित ४४ र कप्तान एन्जेलो म्याथ्यूजले ११ रन बनाए ।

बाँकी ब्याट्सम्यानले भने दोहोरो अंकमा समेत रन बनाउन सकेनन् । बलिङमा फाबियन आलेन, ओबेद म्याक्यो, केविन सिन्कलेयर र जेशन होल्डरले एकरएक विकेट लिए ।