आर्मीविरुद्ध ब्याटिङ गर्दै सन्दीपको टिम, यी खेलाडीले पाए मौका

२४ फागुन, काठमाडौं । काठमाडौंमा जारी मेयर कप एकदिवसीय क्रिकेट प्रतियोगिताअन्तर्गत मेयर्स-११ टिमविरुद्ध त्रिभुवन आर्मी क्लबले टस जितेर पहिला बलिङ गर्ने भएको छ ।

यी दुई टिमबीचको खेल कीर्तिपुरस्थित टियू क्रिकेट मैदानमा साढे ९ बजेपछि सुरु हुने छ । जारी प्रतियोगितामा आर्मीले पहिलो खेलमा हारको सामना गरेको थियो । आर्मी पहिलो खेलमा नेपाल एपीएफ क्लबविरुद्ध एक विकेटले पराजित भएको थियो ।

सन्दीप लामिछाने नेतृत्वको मेयर्स–११ ले भने पहिलो खेलमा बागमती प्रदेशलाई ९४ रनले हराउँदै उत्कृष्ट सुरुवात गरेको छ ।

मेयर्स-११ के प्लेइङ ११ स् हरिशंकर साह, खडकबहादुर बोहरा, बिपिन रावल, सन्दीप रजाली, कृष्ण कार्की, सिद्धान्त लोहनी, सौरभ खनाल, सन्दीप लामिछाने (कप्तान), नारायण जोशी, बिपिन खत्री र खनिल खरेल ।