मेयर कपमा मंगलबार दुई खेल, यी टोली भिड्दै

२५ फागुन, काठमाडौं । काठमाडौंमा जारी मेयर कप एकदिवसीय क्रिकेट प्रतियोगितामा आज दुई वटा खेल हुँदैछन् ।

आज हुने खेलमा मूलपानी मैदानमा नेपाल पुलिस क्लब र त्रिभुवन आर्मी क्लबले खेल्ने छन् । जारी प्रतियोगितामा दुवै टिमले दुई म्याच खेल्दा समान एक खेलमा हार र एक खेलमा जित हासिल गरेका छन् ।

आजै हुने अर्को खेलमा नेपाल एपीएफ क्लब र बागमती प्रदेश खेलिरहेका छन् । यी दुई टिमबीचको खेल ९ बजेबाट कीर्तिपुरस्थित टियू ग्राउन्ड भइरहेकाे छ ।

जारी प्रतियोगितामा बागमतीले दुई खेलमा लगातार हारको सामना गर्दा एपीएफले भने दुवै खेलमा जित हासिल गरेको छ ।