रिभल फल्सले ३४ लाख कित्ता आईपीओ निष्कासन गर्ने, बिक्री प्रवन्धकमा नियुक्त गर्यो प्रभु क्यापिटललाई

२५ फागु, काठमाडौं । रिभर फल्स पावर लिमिटेडले आईपीओ निष्कासन गर्ने भएको छ । कम्पनीले सर्वसाधारणको लागि ३४ करोड रुपैया बराबरको ३४ लाख कित्ता आईपीओ निष्कासन गर्ने भएको हो ।

कम्पनीले निष्कासन गर्न लागेको उक्त आईपीओको शेयर निष्काशन तथा बिक्री प्रबन्धकमा प्रभु क्यापिटल लिमिटेडलाई नियुक्त गरेको छ । कम्पनीले मंगलबार सो नियुक्ति सम्बन्धी सम्झौता गरेको हो ।

सम्झौतामा रिभर फल्स पावर लिमिटेडका तर्फबाट सञ्चालक मित्र लाल श्रेष्ठ तथा प्रभु क्यापिटल लिमिटेडका तर्फबाट प्रबन्ध संचालक दिनेश थकालीले हस्ताक्षर गरेका हुन् ।

रिभल फल्स पावर लिमिटेडले संखुवासभा जिल्लाको धर्मदेवी नगरपालिकामा अवस्थित पिलुवाखोलामा १०.३ मेगावाटको आयोजना निर्माण गरिरहेको छ । यो आयोजनाको भौतिक प्रगति ६० प्रतिशत सम्पन्न भइसकेको छ ।