म सत्ताको खेलमा हैन, एकपटक फेरि सभापतिको चाहनामा छु : देउवा
नेपालबहस संवाददाता
फागुन २६, २०७७ बुधबार २१:२०:१६
२६ फागुन, काठमाडौं । सर्वाेच्च अदालतले फागुन ११ गते प्रतिनिधिसभा पुनस्थापना गरेयता नेपाली राजनीतिक वृत्तमा सबैभन्दा बढी चर्चा गरिएका पात्र हुन्–शेरबहादुर देउवा । प्रमुख प्रतिपक्षी दल नेपाली कांग्रेसका सभापतिसमेत रहेका देउवाको चर्चा भावी प्रधानमन्त्रीका रुपमा भएको हो ।
बजारी हल्लालाई अझै व्यापक बनाउने काम प्रचण्ड–माधव समूहले गरे । किनभने फागुन १२ गते चितवनबाट राजधानी आएका नेताद्वय एयरपोर्टबाट सोझै हान्निए बूढानिलकण्ठ । उनीहरुले अब प्रधानमन्त्री केपी ओलीलाई विस्थापन गरी बाग्डोर सम्हाल्न प्रस्ताव गरे । त्यतिखेर पनि देउवा भने हौसिएनन् । उनले केही समय पर्खाैं भन्ने जवाफ मात्र दिए ।
त्यसयता धेरैपटक यस्तै हल्ला फिंजाइए । देउवा अब प्रधानमन्त्री बन्ने पक्का । तर फागुनको २३ गते आइपुग्दा राजनीतिक परिदृश्यले कोल्टो फे¥यो । एकाएक नेकपा एमाले र नेकपा माओवादी केन्द्र पूर्ववत हैसियतमा आए । सर्वाच्च अदालतले नै यस्तो फैसला दियो ।
अनि ओली पार्टी भित्र फेरि बौरिएका छन् । उनको हातमा विरोधी नेताहरु फेरि आइपरेका छन् । एमालेको प्रतिनिधिसभामा १२० सिट छ । त्यो ओलीका लागि अकाट्य छ । तर सरकार जोगाउन ओलीलाई थप १८ मत आवश्यक छ । त्यो मत जुटाउन उनी अहिले जनता समाजवादी पार्टीलाई फकाउँदैछन् । सके सग्लो नत्र फुटाएर भएपनि समर्थन लिने उनको दाउ छ ।
उता, माओवादी केन्द्रपनि अब ओलीको विकल्प खोज्न फेरि कांग्रेस र जसपा नेताको घरदैलो गर्ने पक्षमा पुगेका छन् । तर देउवा भने अझै पुरानै अडानमा छन् । हिजो मात्रै प्रचण्डले देउवालाई भेटे । प्रधानमन्त्रीको पहल गर्न प्रस्ताव गरे । तर देउवा टसमस भएनन् । उनले जवाफ दिए– अझै केही समय कुरौं न ।
आज भने देउवाले सबैको जिज्ञाशा मेटिने गरी जवाफ दिए । आफूलाई भेट्न आएका जनजाति नेताहरुसँगको छलफलमा देउवाले भने – म सत्ताको खेलमा छैन । किनभने कम्युनिष्टहरुको भरै हुँदैन । कतिबेला के स्वार्थले के गर्छन्, टुंगो हुँदैन ।
देउवाले अझै प्रष्ट पार्दै भने–अहिले प्रधानमन्त्री बनाउलान्, दुई महिनापछि उनीहरुको स्वार्थ बाझिन्छ अनि अविश्वास प्रस्तावको खेला सुरु हुन्छ । त्यसैले आफु सत्ताको खेलबाट टाढै रहने पनि देउवाले प्रष्ट्याए । बरु मेरो सबै ध्यान र उर्जा पार्टी महाधिवेशनतिर लगाउँछु भन्दै सभापति देउवाले अर्काे एक कार्यकाल आफू सभापति बन्न चाहेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार