राजश्व सङ्कलन : सात महीनामै वार्षिक लक्ष्य नजिक
नेपालबहस संवाददाता
फागुन २६, २०७७ बिहिबार २:२५:४९
२६ फागुन, बागलुङ । आन्तरिक राजश्व कार्यालयले चालू आर्थिक वर्षको माघ मसान्तसम्ममा रु ८० करोड ३७ लाख आठ हजार राजश्व सङ्कलन गरेको छ । जुन सोही अवधिका लागि तोकिएको लक्ष्यको १८९.७ प्रतिशत हो । उक्त कार्यालयले माघ मसान्तसम्ममा रु २५ करोड ४३ लाख ४० हजार राजश्व उठाउने लक्ष्य लिए पनि रु ४८ करोड २३ लाख ५७ हजार सङ्कलन गर्न सफल भएको हो ।
चालू आवमा कूल रु ८६ करोड २० लाख छ हजार राजश्व सङ्कलन गर्ने लक्ष्य लिइएकामा सात महिनामै प्रगति वार्षिक लक्ष्यको नजिक पुगेको कार्यालयका प्रमुख कर अधिकृत जनक शर्माले बताए। बहाल करतर्फ रु एक करोड ११ लाख ५५ हजार सङ्कलन गर्ने लक्ष्य तोकिएकामा रु एक करोड सात लाख १९ हजार सङ्कलन भएको जनाइएको छ । यस्तै ब्याजकरतर्फ रु पाँच करोड ७६ लाख ८० हजार लक्ष्य तोकिएकामा रु सात करोड १९ लाख ४४ हजार, मूल्य अभिवृद्धि करतर्फ माघसम्ममा रु १० करोड ६९ लाख ८९ लाख सङ्कलन गर्ने लक्ष्य लिइएकामा रु २२ करोड सात लाख ३९ हजार सङ्कलन भएको छ ।
मूल्य अभिवृद्धि करतर्फ २०६.३ प्रतिशत प्रगति भएको हो । अन्तःशुल्क करतर्फ रु एक करोड आठ लाख ७७ हजार राजश्व सङ्कलनको लक्ष्य तोकिएकामा रु एक करोड ६८ लाख ५८ हजार सङ्कलन भएको छ । लक्ष्यभन्दा बढी राजश्व सङ्कलन भएकाले आउँदो वर्ष लक्ष्य थपिने प्रमुख कर अधिकृत शर्माको भनाइ छ ।
“आउँदो आवमा रु एक अर्ब ५० करोडसम्मको लक्ष्य तोकिन सक्छ”, उनले भने, “सरल र छरितो माध्यमबाट कर तिर्नसक्ने सुविधा करदातालाई दिएका छौँ, छुटका सुविधा पनि छन् ।” कार्यालयले स्थायी लेखा नम्बर ‘पान’ लिएर आय विवरण पेश नगर्ने वार्षिक रु ५० लाखसम्मको कारोवार गर्नेलाई विगत चार वर्षको आय विवरणको आय कर र त्यसमा लाग्ने ब्याजको २५ प्रतिशत फागुन मसान्तसम्म बुझाएमा त्यसअघिका वर्षको कर, शुल्क तथा बाँकी ब्याज मिनाहा गरिने जनाएको छ ।
यस्तै विगतमा कर लाग्ने आयआर्जन गरेको तर स्थायी लेखा नम्बर नलिइ कर नबुझाएको भए विगत तीन वर्षको आय विवरण र सोमा लाग्ने कर यही फागुन मसान्तभित्र बुझाएमा लाग्ने शुल्क तथा ब्याज मिनाहा हुने भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपशुक्लाफाँटामा एक करोड राजस्व संकलन
बैशाख १०, २०८१ सोमबार
विज्ञापन कर नतिर्ने विदेशी कम्पनीका होडिङबोर्ड हटाउन सुरु
बैशाख ९, २०८१ आइतबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
निमित्त प्रशासकीय अधिकृतसहित ७ जनाविरुद्ध मुद्धा दायर
बैशाख १३, २०८१ बिहिबार
छैटौँ संस्करणको सगरमाथा म्युजिक अवार्डको आवेदन खुला
बैशाख १३, २०८१ बिहिबार
जाजरकोटका भूकम्पपीडित पत्रकारलाई काउन्सिलको निःशुल्क इन्टरनेट
बैशाख १३, २०८१ बिहिबार
दक्षिण कोरियाद्वारा पहिलो पृथ्वी नानोस्याटेलाइट प्रक्षेपण
बैशाख १३, २०८१ बिहिबार
सरकार विरोधी प्रदर्शनलाई समर्थन गर्ने इरानी र्यापरलाई मृत्युदण्ड
बैशाख १३, २०८१ बिहिबार