लिभर सिरोसिसको उपचार गराइरहेका वडाध्यक्षको निधन

२७ फागुन, वीरगञ्ज । बाराको कलैया उपमहानगरपालिका–८ का वडाध्यक्ष विक्रम यादवको निधन भएको छ । त्रिवि शिक्षण अस्पताल काठमाडौंमा उपचार गरिरहेका को क्रममा यादवको बिहीबार बिहान निधन भएको हो ।

लिभर सिरोसिसको उपचार गराइरहेका यादवको बिहान १० बजेतिर मृत्यु भएको त्रिवि शिक्षण अस्पतालले जनाएको छ । उनी एक सातादेखि अस्पताल भर्ना भइ उपचार गराइरहेका थिए । पाँच महिनाअघि लिभरमा समस्या भएपछि उनले त्यसको उपचार गराइरहेका थिए ।

यादव स्थानीय तहको निर्वाचनमा नेकपा एमालेबाट निर्वाचित भएका थिए । यादवका चारजना छोरा र तीनजना छोरी छन् ।