स्थानीय स्वादमा रमाउँदै पर्यटक
नेपालबहस संवाददाता
फागुन २८, २०७७ शुक्रबार १६:३०:२६
२८ फागुन,चितवन । जिल्लाको समथर भूभाग छाडेर उत्तरपट्टि कविलासडाँडाको पाखामा रहेको ‘कविलास रिसोर्ट एण्ड फन पार्क’ मा यतिबेला स्वदेशी तथा विदेशी पर्यटक त्यहीँको उत्पादनको स्वाद लिएर रमाइरहेका छन् । तराईको गर्मी छल्दै नारायणगढबाट ४६० मिटर उक्लेपछि पुगिने रिसोर्ट यतिबेला स्वदेशी र विदेशी पर्यटकको रोजाइ बनेको हो ।
रिसोर्टकै अग्र्यानिक कृषिफार्ममा उत्पादित तरकारीदेखि माछा, मासु र स्थानीय जातका पक्षीको स्वाद चाख्न होस् वा आधुनिक प्रविधिले सुसज्जित खेल र मनोरञ्जनमा डुब्न नै किन नहोस् कविलास रिसोर्ट जाने मानिसको हिजोआज लर्को देख्न सकिन्छ । पहाडी पाखोमा २२ बिघा क्षेत्रफलमा फैलिएको रिसोर्ट परिसरमा वनभोज ९पिकनिक० खानेदेखि सभा–समारोह, विवाहसम्मका कार्यक्रम हुने गरेका छन् । विसं २०७६ वैशाखदेखि शुरु भएको रिसोर्टमा बच्चादेखि युवा तन्नेरी हुँदै वृद्धसम्मका लागि मनोरञ्जनका साधनका कुनै कमी छैन ।
रिसोर्टका कार्यकारी अध्यक्ष ई बाबुराम उपाध्यायका अनुसार रिसोर्ट परिसरमा सातवटा भिल्लासहित १७६ जना क्षमताका फरक–फरक कोठा छन् । परिवारसहित जानेका लागि तीनकोठे सातवटा भिल्ला छन् । रिसोर्टमा तालिम तथा गोष्ठीका लागि ३००, २०० र १०० जना अट्ने चारवटा सभाकक्ष छन् । रिसोर्ट परिसरमा बच्चादेखि वृद्धसम्मका लागि विभिन्न खेल साधन रहेका छन् । बच्चाका लागि भिडियो गेम, चिल्डेन वाटर किङ्डम, रेल, सन एण्ड मुन, स्काइजेट स्ट्राकिङ, पौडीपोखरीजस्ता खेल रहेका छन् । ठूलाका लागि ड्र्यागन कोष्टर, फेरिस ह्वील, ब्रेक डान्स, वाटर किङ्डम, बेभ पुल, पौडीपोखरी रहेका छन् । बच्चादेखि वृद्धसम्म सबैका लागि रेन डान्स पनि रहेको उपाध्यायको भनाइ छ । रेष्टुरेन्टबाट झोलुङ्गे पुल तरेर छुट्टै परिसरभित्र खेल सामग्री राखिएका छन् ।
रिसोर्टसँगै चार बिघा जमिनमा कृषिफार्म सञ्चालन गरिएको छ । फार्ममा तरकारी, खसी, स्थानीय जातका कुखुरा, हाँस, टर्की, बट्टाई, माछापालन गरिएको छ । उनका अनुसार अहिले फार्ममा सात हजार स्थानीय जातका कुखुरा, २०० हाँस, ५० टर्की, ५०० बट्टाई, ६० खसी–बोका र चारवटा पोखरीमा माछा पालिएको छ । त्यहाँ पालिएका पक्षीले पारेको अण्डालाई ह्याचिङ मेसिनमा राखेर चल्ला कोरलेर आफैँ हुर्काउने गरिएको छ । खुला ठाउँमा छाड्ने हुँदा ती पक्षीको मासु स्वादिष्ट हुने उपाध्याय बताउछन् ।
फार्ममा आलु, प्याज, साग, धनियाँ, मटरकोसा, मुला, काउली, ब्रोकाउली, करेला, खुर्सानी, बैगुनलगायतका तरकारी फलाइएको छ । फार्ममा मात्रै १० जनाले रोजगारी पाएका छन् । उपाध्यायले भने, “रिसोर्ट र वनभोजका लागि आउनेलाई स्वादअनुसारका यहीँको उत्पादन हामी खुवाउँछौँ ।” सबै उत्पादन प्राङ्गारिक रहेको उनको भनाइ छ ।
रिसोर्टकै परिसरमा छुट्टै वनभोजस्थल छ । यहाँ २५ समूहका लागि छुट्टाछट्टै टहरा ९सेड० व्यवस्थापन गरिएको छ । बिजुली, पानी, वाद्यवादनका उपकरण उपलब्ध छन् । त्यसका अतिरिक्त दुईवटा २०० जना क्षमताका सभाहल पनि वनभोजस्थलमै रहेका छन् । वनभोजसहितको कार्यक्रम गर्नेका लागि उक्त हल उपलब्ध गराइने उनले जानकारी दिए । उनले भने, “वनभोज आउन चाहनेका लागि घरबाट ल्याउनेदेखि यहीँको सामानसहित खाना पकाएर खुवाउने र घरसम्म पुर्याउने व्यवस्था गरेका छौँ”, उनले थपे, “वनभोज आउन चाहनेले कुनै पनि सामान ल्याउनु पर्दैन, सबै हामीले नै व्यवस्था गरिदिन्छौँ ।” रिसोर्ट नजिकै सिद्धेश्वर महादेवको मन्दिर छ । मन्दिरमा पूजाआजा र विवाहका लागि समेत मानिस पुग्ने गरेका छन् ।
रिसोर्टका प्रमुख कार्यकारी निर्देशक शुलभ ढकालका अनुसार स्वदेशी र भारतीय पर्यटक धेरै सङ्ख्यामा आउने गरेका छन् । कोभिडपछि गत मङ्सिरदेखि खुलेको रिसोर्टमा क्रमशः पर्यटक बढ्दै गएका छन् । उनले भने, “भारतबाट आएर चारवटा विवाह यहाँ भएका छन् ।” नेपालीहरु पनि विवाहका लागि पुग्ने गरेको उनले बताए । वीरगञ्ज, भैरहवालगायत सीमा क्षेत्रका भारतीय पर्यटक र नेपालका विभिन्न ठाउँबाट पर्यटक आउने गरेको उनले जानकारी दिए । उनले भने , “माडवारी समाजका धेरैको रोजाइ यो रिसोर्ट बनेको छ ।” सोझै आउनेभन्दा पहिले नै बुक गरेर आउने बढी भएको उनले बताए ।
राजधानी काठमाडौँ, पोखरा, विराटनगर, वीरगञ्ज, भैरहवाालगायतका ठूला शहरबाट व्यावसायिक आवासीय कार्यक्रमका लाागि आउने गरेका छन् । नारायणगढ–मुग्लिन सडकखण्डको दासढुङ्गाबाट १।५ किलोमिटर र जुगेडीबाट तीन किलोमिटरमाथि यो रिसोर्ट पर्दछ । त्यहाँबाट त्रिशूली र नारायणी नदीसँगै देवघाट, नारायणगढ र तनहुँका धेरैजसो भूभाग देख्न सकिन्छ । पहाडी कन्दरामा बसेको अनुभूति दिलाउने उक्त रिसोर्टबाट देखिने खोला, खोल्सा र झरनाले पर्यटकलाई मोहित बनाउने गरेको भरतपुर महानगरपालिका–२९ का अध्यक्ष मानबहादुर रानामगरले बताए । उनले भने, “यहाँको पर्यटक प्रवद्र्धन गर्नका लागि यो रिसोर्टले महत्वपूर्ण भूमिका खेलेको छ ।”
विभिन्न क्षेत्रका ७२ जनाको रु ६० करोड लगानी रहेको रिसोर्ट कोभिडका कारण प्रभावित भए पनि विस्तारै लयमा फर्किएको छ । कार्यकारी अध्यक्ष उपाध्यायले भने, “हामीलाई आशा पलाएको छ, यो महिनाबाट खर्च धानेर बैंकको ब्याज तिर्न सक्नेछौँ ।” उनी कृषि फार्म स्थापनालाई भने कोभिडकै उपलब्धि मान्छन् । कोभिडको समयमा मिलेको फुर्सदले कृषि फार्मतर्फ आकर्षित गराएको उनको भनाइ छ । रिसोर्टका सञ्चालक विष्णु ढकाल फरक शैलीमा सञ्चालन गरिएका कारण रिसोर्टप्रति पर्यटकको आकर्षण बढेको बताउछन् । उनले भने, “एकपटक पुगेका पर्यटक दोस्रोपटक आउन चाहन्छन् ।”
चितवनमा मुख्यरूपमा जङ्गल सफारीका लागि पर्यटक आउने गरेकामा पहाडमा रमाउन चाहनेका लागि भने यो रिसोर्ट गन्तव्य बनेको उनको भनाइ छ । उनले भने, “हामी छिट्टै यहाँ आउने पर्यटक घुमाउनका लागि चितवन राष्ट्रिय निकुञ्ज, देवघाट, शाश्वतधामलगायतका पर्यटकीयस्थल जोडेर भ्रमण प्याकेज बनाउँदैछौँ ।” समुद्री सतहबाट ६५० मिटर उचाइमा रहेको रिसोर्टमा पुगेपछि तराईको गर्मी भुल्न सकिन्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबन्दीपुरको सौन्दर्यता र मौलिकता कायम राख्न व्यवसायीलाई आग्रह
बैशाख ११, २०८१ मंगलबार
मनाङमा एक वर्षमा २१ हजार पर्यटकको आगमन
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
शहरीकरणले गर्दा भूकम्पीय जोखिम बढ्यो : राष्ट्रपति पौडेल
बैशाख १२, २०८१ बुधबार
अमिर खानले जोया अख्तरसँग मिलेर फिल्म बनाउने
बैशाख १२, २०८१ बुधबार
स्वास्थ्य क्षेत्रमा आउनसक्ने चुनौतीको सामना गर्न सक्नुपर्छ : प्रधानमन्त्री प्रचण्ड
बैशाख १२, २०८१ बुधबार
शिक्षालयलाई दलीय राजनीतिको चपेटाबाट बाहिर निकालौं : शिक्षामन्त्री श्रेष्ठ
बैशाख १२, २०८१ बुधबार
झापामा जीपले मोटरसाइकललाई ठक्कर दिँदा तीन जनाको मृत्यु
बैशाख १२, २०८१ बुधबार
विहे घरमा आगलागी, २ जना घाइते
बैशाख १२, २०८१ बुधबार