नौ प्रतिशत ब्याजदर दिने गरी ज्योति विकास बैंकले डेढ अर्बको डिबेञ्चर निष्कासन गर्दै

फागुन २८ काठमाडौं । ज्योति विकास बैंकले पनि डेढ अर्बको डिबेञ्चर अर्थात ऋणपत्र जारी गर्ने भएको छ। बैंकले ऋणपत्र बिक्री गर्न नेपाल धितोपत्र बोर्डसँग अनुमति मागेको छ।

बैंकले प्रतिकित्ता एक हजार रुपैयाँ अंकित दरमा १ अर्ब ५० करोड रुपैयाँ बराबरको १५ लाख कित्ता ऋणपत्र बिक्री गर्न अनुमति मागेको हो। जसमा ९० करोड रुपैयाँ बराबरको ९ लाख कित्ता ऋणपत्र व्यक्तिगत तवरबाट बिक्री गर्ने छ भने ६० करोड रुपैयाँ बराबरको ६ लाख कित्ता सर्वसाधारणमा बिक्री गर्ने छ।

बैंकले बिक्री गर्न लागेको १० बर्षे अवधिको ऋणपत्रमा लगानीकर्ताले वार्षिक ९ प्रतिशतका दरले ब्याजदर पाउने छन्। बैंकको ऋणपत्र वि।सं २०८७ सालमा परिपक्क हुनेछ।

ऋणपत्रको निष्काशन तथा बिक्री प्रबन्धकमा एआइबिएल एस क्यापिटल रहेको छ।धितोपत्र बोर्डबाट अनुमति पाएपछि बैंकले उक्त ऋणपत्र बिक्रीमा ल्याउनेछ।