काँग्रेस नेतृत्वमा सरकार बनाउन छलफल गरिरहेका छौ : कोइराला

२८ फागुन,काठमाडौं । नेपाली काँग्रेसका महामन्त्री शशांक कोइरालाले काँग्रेसको मुख्य ध्येय आफ्नो नेतृत्वमा सरकार बनाउनु रहेको बताएका छन् । शुक्रबार नेपाल शिक्षक संघ बागमती प्रदेश कार्यसमितिको कार्यक्रमलाई सम्बोधन गर्दै महामन्त्री कोइरालाले ओली सरकारलाई हटाएर नेपाली काँग्रेसको नेतृत्वमा नयाँ सरकार गठन गर्नु आफूहरुको मुख्य ध्येय रहेको बताएका हुन् ।

उनले काँग्रेस नेतृत्वमा सरकार बनाउनका लागि मधेसवादी दलहरुसँग छलफल चलिरहेको पनि बताएका छन् । उनले अहिले नेपाली काँग्रेस पर्ख र हेरको अवस्थामा रहेको पनि बताएका छन् । काँग्रेस र मधेसवादी दलहरुबिच राम्रो छलफल चलिरहेको पनि कोइरालाले बताएका छन् । अहिले काँग्रेसको मुख्य ध्येय भनेकै ओली सरकार हटाएर काँग्रेस नेतृत्वमा नयाँ सरकारको गठन गर्नु रहेको उनले बताएका छन् ।