आधारभूत स्वास्थ्य सेवा केन्द्र सञ्चालनमा
नेपालबहस संवाददाता
चैत २, २०७७ सोमबार १८:२२:१५
२ चैत,नवलपुर । नवलपरासी (बर्दघाट–सुस्तापूर्व)को कावासोती नगरपालिकाका सबै वडामा आधारभूत स्वास्थ्य सेवा केन्द्र सञ्चालनमा आएको छ । जिल्ला सदरमुकामसमेत रहेको कावासोतीको १७ वटै वडामा आधारभूत स्वास्थ्य सेवा केन्द्र सञ्चालनमा आएको हो ।
हरेक नगरवासीलाई सहजरुपमा आधारभूत स्वास्थ्य सेवा पु¥याउने उद्देश्यले सबै वडामा स्वास्थ्य सेवा केन्द्र सञ्चालनमा ल्याइएको नगरपालिकाले जनाएको छ । नगरपालिकामा साबिकको पाँच गाविस रहँदाको स्वास्थ्य चौकी पाँचवटामा, शहरी स्वास्थ्य केन्द्र एउटामा र बाँकी ११ वटा वडामा आधारभूत स्वस्थ्य केन्द्र सञ्चालनमा ल्याइएको छ । पाँचवटा स्वास्थ्य चौकी र एउटा शहरी स्वास्थ्य केन्द्रको आफ्नै भवन भए पनि भाडाको घरमा सञ्चालित ११ वटा आधारभूत स्वास्थ्य केन्द्रका लागि आज एकै दिन भवन शिलान्यास गरिएको छ ।
नगरप्रमुख चन्द्राकुमारी पुनले गत वर्ष नै कावासोतीका सबै वडामा आधारभूत स्वास्थ्य केन्द्रको भवन निर्माणका लागि बजेट विनियोजन गरिएको भए पनि भवन निर्माण गर्न लालपुर्जा भएको जग्गा नहुँदा बजेट फ्रिज भएको बताइन् । भवन निर्माणका लागि यस वर्षदेखि लालपुर्जा भएको जग्गा अनिवार्य नभएका कारण असार मसान्तसम्म भवन निर्माण गरिसक्ने गरी काम अगाडि बढाइएको नगरप्रमुख पुनले बताइन् । नगरपालिकाले आधारभूत स्वास्थ्य केन्द्र भवन निर्माण गर्न प्रतिभवन रु ४५ लाखको दरले बोलपत्र आह्वान गरेको थियो ।
स्वास्थ्य सेवा केन्द्रको भवन निर्माणका लागि भ्याटबाहेक रु २४ लाखमा बोलपत्र स्वीकृत भएको नगरपालिकाका इन्जिनीयर पवन रुपाखेतीले जानकारी दिए । । उक्त रकममा असार मसान्तभित्र निर्माण सम्पन्न गर्ने गरी काम अगाडि बढेको रुपाखेतीले बताए । वडावडा तहमा आधारभूत स्वास्थ्य केन्द्र पुगेपछि खुशी भएका वडावासीहरु आधारभूत स्वास्थ्य केन्द्रका लागि भवन नै निर्माण हुने भएपछि थप उत्साही देखिएका छन् । स्वास्थ्य आमनागरिकको नैसर्गिक अधिकार भएको भन्दै सहजरुपमा स्वास्थ्य सेवा प्रदान गर्न भवन निर्माणलाई प्राथमिकतामा राखिएको नगरउपप्रमुख प्रेमशङ्कर मर्दनियाले बताए । स्वास्थ्य सेवा प्रदान गर्न आफ्नै भवन भएपछि स्वास्थ्य सेवा केन्द्रबाट प्रदान गरिने सेवासुविधालाई बढाउँदै लैजान सहयोग पुग्ने मर्दनियाको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमुख्यमन्त्री अधिकारीले दिए गण्डकीमा चुमान र मनाङेलाई जिम्मेवारी
बैशाख ८, २०८१ शनिबार
पाथीभरा क्षेत्रमा मदिरा बिक्री तथा सेवनमा प्रतिबन्ध
बैशाख ७, २०८१ शुक्रबार
नवलपुरका महिलाको आत्मनिर्भरको श्रोत घरबास
बैशाख ७, २०८१ शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
हिमाल हेर्न नेपाल आएका पिटर शैक्षिक उन्नयनमा सक्रिय
बैशाख ८, २०८१ शनिबार
एलोन मस्कको भारत भ्रमण स्थगित
बैशाख ८, २०८१ शनिबार
कुम्भमेलामा १० दिनमा दुई लाखभन्दा बढी दर्शनार्थी सहभागी
बैशाख ८, २०८१ शनिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार