पद धरापमा परेका माओवादी नेताहरु
नेपालबहस संवाददाता
चैत २, २०७७ सोमबार २०:३:५६
२ चैत, काठमाडौं । नेकपा माओवादी केन्द्रबाट निर्वाचित केही जनप्रतिनिधिहरु अहिले नेकपा एमालेमा पुगेका छन् । उनीहरुको दलीय हैसियत अब कस्तो रहने र पदको अवस्था के हुने भन्ने अलमललाई माओवादी केन्द्रले आज प्रष्ट्याउने भएको छ ।
विगतमा आफ्नो पार्टीका उमेदवारका रुपमा निर्वाचित राष्ट्रियसभा सदस्य रामबहादुर थापा र प्रतिनिधिसभा सदस्यहरु टोपबहादुर रायमाझी, लेखराज भट्ट, प्रभु साहलगायतको पद अब रिक्त हुने निर्णय माओवादीले गर्दैछ ।
हिजोबाट सुरु भएको पार्टी केन्द्रीय कमिटी बैठक आज पनि जारी छ । आजको बैठकले उनीहरुलाई पदमुक्त गर्न निर्वाचन आयोगमा पत्र लेख्ने जानकारी पार्टी स्रोतले दिएको छ ।
प्रधानमन्त्री केपी ओलीको सरकारमा रहेका उनीहरुलाई हिजै स्पष्टीकरण पठाइएको हो । तर कसैले पनि कुनै जवाफ दिएका छैनन् । बरु सार्वजनिक सञ्चारमाध्यममा भने उनीहरुले ओलीकै एमालेमा रहने तर माओवादीमा नफर्कने बताएका छन् ।
हाल पूर्व माओवादीका तर्फबाट ओली सरकारमा गृहमन्त्री थापा, उर्जामन्त्री रायमाझी, शहरी विकास मन्त्री साह, आपूर्तिमन्त्री भट्टलगायत मन्त्रीहरु मणिचन्द्र थापा, गौरीशंकर चौधरी र दाबा लामा छन् ।
उनीहरुलाई ओलीले फागुन २८ गते एमाले केन्द्रीय कमिटीमा मनोनयन गरेका छन् । अब माओवादी केन्द्रले उनीहरुलाई अनुशासनको कारबाही प्रकृया अगाडि बढाएपछि सबै पदमुक्त हुने अवस्था आउनेछ ।
यस्तै माओवादी केन्द्रका प्रदेश सांसदहरु पनि ओलीको एमालेमा लागेका छन् । उनीहरुमाथि पनि अनुशासनको कारबाही प्रकृया बढाइने जानकारी माओवादी केन्द्रले दिएको छ । यस्तो अवस्थामा उनीहरुसमेत पदमुक्त हुनेछन् ।
यसरी पद धरापमा परेका प्रदेश सांसद्हरुमा प्रदेश नं. १ बाट टंक आङबुहाङ, प्रदेश नं. २ बाट ज्वालाकुमार साह, लुम्बिनी प्रदेशका दधीराम न्यौपाने र दिनेश पन्थी, कर्णाली प्रदेशबाट ठम्मर शाह र धर्मराज रेग्मी तथा सुदूरपश्चिम प्रदेशबाट झपट रावल रहेका छन । गत निर्वाचनमा उनीहरु नेकपा माओवादी केन्द्रबाट निर्वाचित भएका थिए । अहिले भने एमाले प्रवेश गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
राजस्व छलीका गाडी र मोटरसाइकलसहित तीन जना पक्राउ
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
आयरल्याण्ड वोल्भ्सविरुद्ध लोकेश बमको शतक
चैत १६, २०८० शुक्रबार
बागमती प्रदेशस्तरीय भलिबल प्रतियोगिता हुने
चैत १६, २०८० शुक्रबार
नयाँ शैक्षिकसत्र सुरु नहुँदै म्याग्दीमा पाठ्यपुस्तक भित्रियो
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार