वाणिज्य बैंकहरुको नयाँ ब्याजदरः मुद्दती बचतमा सिभिलको चमत्कार, अन्य कुनले कति दिदैछन ब्याज ?

३ चैत, काठमाडौं । वाणिज्य बैंकहरुले चैत १ गतेदेखि लागू गर्ने गरि नयाँ ब्याजदर सार्वजनिक गरेका छन् । अधिकांश बैंकहरुले साधारण निक्षेप तथा मद्दति निक्षेपमा ब्याज  यथावत नै राखेका छन् भने केहीले सामान्य हेरफेर गरेका छन् ।

फागुन महिनाको तुलनामा कर्जाको ब्याजदर बढेको छ । यता, बैंकिङ क्षेत्रमा अधिक तरलताको अवस्था जारी रहँदा केही बैंकले भने अल्पकालीन मुद्दति निक्षेपमा सामान्य ब्याजदर बढाएको देखिन्छ ।

तथापि, बैंकको कर्जा र निक्षेपको ब्याजदरमा खासै ठूलो परिवर्तन भने भएको छैन । सिभिल बैंकले मुद्दती निक्षेप अर्थात फिक्स डिपोजिटमा ८.५ प्रतिशत ब्याज दिइरहेको छ । यो यतिबेला बैंकहरुले दिइरहेको मध्यकै सबैधन्दा बढि हो । सिभिल बैंकले फागुनमा मुद्दती निक्षेपमा ८ प्रतिशतसम्म ब्याज दिइरहेको थियो ।

हरौं यतिबेला कुन बैंकले कति ब्याज दिइरहेका छन् ।

नबिल बैंक

नबिल बैंकले बचतमा न्यूनतम २.५१ प्रतिशत देखि अधिकतम ४.५१ प्रतिशत सम्म ब्याजदर निर्धारण गरेको छ । व्यक्तिगत मुद्दतिमा अधिकतम ७.५१ प्रतिशत ब्याज दिने भनेको छ । यो एक वर्षभन्दा बढी समयको मुद्दतिको ब्याजदर हो ।

३ महिनाको मुद्दतिको ब्याजदर ४ प्रतिशत निर्धारण गरेको छ । यता, बैंकको माघ मसान्तसम्म बेस रेट ५.५८प्रतिशत छ । यसमा ७ प्रतिशतसम्म प्रिमियम थप गरेर कर्जा प्रवाह गर्नेछ । स्थिर ब्याजमा घर कर्जाको लागि बैंकले न्यूनतम ८.४९प्रतिशत देखि ११.५०प्रतिशतसम्म ब्याजदरमा कर्जा दिने बताएको छ ।

एनआइसी एसिया बैंक

एनआइसी एसिया बैंकले चैत १ गतेबाट लागू हुने गरी नयाँ ब्याजदर सार्वजनिक गरेको छ । बैंकले बचतमा २.१०प्रतिशत ब्याजदर दिने जनाएको छ । नयाँ ब्याजदर अनुसार मुद्दति निक्षेपमा ७.१०प्रतिशत सम्म ब्याज पाइनेछ ।

बैंकको माघ मसान्तसम्मको आधार दर ६.६९प्रतिशत छ । यसमा ७प्रतिशत सम्म प्रिमियम थप गरेर कर्जा प्रवाह गर्ने बैंकको भनाई छ । स्थिर कर्जाको लागि बैंकले १३प्रतिशत देखि १५प्रतिशत सम्म ब्याजदर निर्धारण गरेको छ ।

नेपाल एसबीआई बैंक

नेपाल एसबीआई बैंकले बचतको ब्याज ०.५० प्रतिशत देखि ३ प्रतिशत सम्म तोकेको छ भने व्यक्तिगत मुद्दतिको अधिकतम ६.५०प्रतिशत र न्यूनतम ३प्रतिशतनिर्धारण गरेको छ । यता, यस बैंकको माघ मसान्तसम्मको बेस रेट ७.३१प्रतिशत छ ।

यसमा न्यूनतम १.५०प्रतिशत देखि अधिकतम ५ प्रतिशत ५ सम्म प्रिमियम थप गरेर कर्जाको ब्याजदर निर्धारण हुने बैंकले जानकारी दिएको छ ।

सेञ्चुरी कमर्सियल बैंक

सेञ्चुरी कमर्सियल बैंकले बचतको न्यूनतम ब्याज २.७५ प्रतिशत र अधिकतम ४.७५प्रतिशत राखेको छ । व्यक्तिगत मुद्दतिको अधिकतम ब्याज ७.७५ प्रतिशत कायम गरेको छ । यो एक वर्षभन्दा माथिको मुद्दतिको ब्याजदर हो ।

यता, बैंकको माघ मसान्तसम्मको आधार दर ७.७९ प्रतिशत रहेको छ । यसमा ३प्रतिशत देखि ६प्रतिशतसम्म प्रिमियम थप गरेर विभिन्न कर्जा बैंकले दिइने बैंकको भनाई छ । घर कर्जाका लागि ११.४९ प्रतिशत देखि १२.९९ प्रतिशत स्थिर ब्याज दर निर्धारण गरेको छ ।

एनएमबि बैंक

एनएमबि बैंकले बचतको न्यूनतम ब्याजदर ३.१०प्रतिशत र अधिकतम ५.१०प्रतिशततोकेको छ । व्यक्तिगत मुद्दतिको अधिकतम ब्याज ८ प्रतिशत र न्यूनतम ५.७५प्रतिशत निर्धारण गरेको छ । पुस मसान्तसम्मको अधारदर ७.४०प्रतिशत रहेको छ । यसमा अधिकतम ५ प्रतिशत सम्म प्रिमियम थप गरेर कर्जा प्रवाह गर्ने बैंकको भनाई छ ।

एभरेष्ट बैंक

एभरेष्ट बैंकले बचतको न्यूनतम ब्याज २ प्रतिशतदेखि अधिकतम ४ प्रतिशतसम्म तोकेको छ । व्यक्तिगत मुद्दतिको अधिकतम ब्याज ६.७५प्रतिशतर न्यूनतम ४.७५प्रतिशत तोकेको छ । माघ मसान्तसम्म बैंकको आधार दर ६.४०प्रतिशत छ । यसमा अधिकतम ५ प्रतिशतसम्म प्रिमियम थप गरेर बैंकले कर्जा दिन्छ ।

हिमालयन बैंक

हिमालयन बैंकले बचतको न्यूनतम ब्याजदर ४ प्रतिशत र अधिकतम ६.५०प्रतिशत तोकेको छ । बैंकको पुस मसान्तसम्मको आधारदर ६.८३प्रतिशत रहेको छ । यसमा अधिकतम ५ प्रतिशतसम्म प्रिमियम थप गरेर कर्जा प्रवाह गर्ने बैंकको भनाई छ ।

माछापुच्छ्रे बैंक

माछापुच्छ्रे बैंकले बचतको न्यूनतम ब्याज २प्रतिशत देखि अधिकतम ४ प्रतिशत सम्म निर्धारण गरेको छ । व्यक्तिगत मुद्दतिको ब्याज ७ प्रतिशत निर्धारण गरेको छ । पुस मसान्तसम्म बैंकको आधारदर ७.५६प्रतिशत छ । यसमा बैंकले ७ प्रतिशत सम्म प्रिमियम थप गरेर कर्जा दिने बैंकले जनाएको छ । बैंकले स्थिर ब्याजदरका लागि न्यूनतम ९.८९ प्रतिशत देखि अधिकतम १२.२४ प्रतिशतब्याजदर निर्धारण गरेको छ ।

मेगा बैंक

मेगा बैंकले बचतको न्यूनतम ३.५०प्रतिशत देखि अधिकतम ५.५०प्रतिशत सम्म ब्याजदर निर्धारण गरेको छ । व्यक्तिगत मुद्दति निक्षेपको अधिकतम ७.२५प्रतिशत निर्धारण गरेको छ । यो दुई वर्षभन्दा धेरै मुद्दति निक्षेपको लागि हो । माघ मसान्तसम्म बैंकको आधार दर ६.९७प्रतिशत छ । यसमा अधिकतम ५ प्रतिशत सम्म प्रिमियम थप गरेर ऋण प्रवाह गर्ने मेगाको भनाई छ ।

ग्लोबल आइएमई बैंक

ग्लोबल आइएमई बैंकले बचतमा न्यूनतम २ प्रतिशत देखि अधिकतम ४ प्रतिशत ब्याजदर निर्धारण गरेको छ । व्यक्तिगत मुद्दतिमा अधिकतम ७ प्रतिशत ब्याज निर्धारण गरेको छ । बैंकको पुस मसान्तसम्मको ब्याजदर ६.७६प्रतिशत छ । यसमा ६ प्रतिशत सम्म प्रिमियम थप गरेर कर्जा प्रवाह हुनेछ । स्थिर ब्याजदरका लागि बैंकले न्यूनतम ७.९९प्रतिशत अधिकतम १३.९९प्रतिशत सम्म ब्याजदरमा कर्जा प्रवाह गर्ने जानकारी दिएको छ ।

सनराइज बैंक

सनराइज बैंकले बचतमा न्यूनतम २.५०प्रतिशतदेखि अधिकतम ४ प्रतिशत सम्म ब्याज दिने भएको छ । यता, मुद्दति निक्षेपमा व्यक्तिगततर्फ ७ प्रतिशत ब्याज निर्धारण गरेको छ । माघ मसान्तसम्मको बैंकको आधार दर ७.१२प्रतिशत रहेको छ । यसमा ६प्रतिशत सम्म प्रिमियम थप गरेर बैंकले कर्जा प्रवाह गर्ने जनाएको छ । बैंकले स्थिर ब्याजदरका लागि न्यूनतम १०.५०प्रतिशत देखि अधिकतम १३.५०प्रतिशत सम्म ब्याजदर निर्धारण गरेको छ ।

सिभिल बैंक

सिभिल बैंकले सबै बचतको ३.७५ प्रतिशतराखेको छ । व्यक्तिगत मुद्दतिको अधिकतम ब्याज ८.७५ प्रतिशत कायम गरेको छ । साथै, ४ महिने मुद्दति निक्षेपको ब्याजदर ६प्रतिशत कायम गरेको छ । यता, बैंकको माघ मसान्तसम्मको आधार दर ८।१६प्रतिशत रहेको छ । यसमा १ प्रतिशत देखि ५ प्रतिशतसम्म प्रिमियम थप गरेर विभिन्न कर्जा बैंकले दिइने बैंकको भनाई छ ।

नेपाल बंगलादेश बैंक

नेपाल बंगलादेश बैंकले बचतको न्यूनतम ब्याजदर २.७५प्रतिशत र अधिकतम ४प्रतिशततोकेको छ । व्यक्तिगत मुद्दतिको अधिकतम ब्याज ७.७५प्रतिशत र न्यूनतम ६ प्रतिशत निर्धारण गरेको छ । स्थिर कर्जाका लागि बैंकले न्यूनतम ९.९९प्रतिशतदेखि अधिकतम १२.९९प्रतिशत सम्म ब्याजदर निर्धारण गरेको छ ।

लक्ष्मी बैंक

लक्ष्मी बैंकले बचत खातामा न्यूनतम २.५प्रतिशतदेखि अधिकतम ४.५प्रतिशत सम्म ब्याजदर तोकेको छ । मुद्दति निक्षेपमा व्यक्तिगततर्फ ३ महिनाका लागि ६ प्रतिशत र एक वर्ष माथि ७ प्रतिशत सम्म ब्याजदर दिन्छ । बैंकको पुससम्मको आधार दर ७.२४ प्रतिशत छ । यसमा ५ प्रतिशत सम्म प्रिमियम थप गरेर बैंकले कर्जा दिन्छ ।

कुमारी बैंक

कुमारी बैंकले बचत खातामा न्यूनतम २ प्रतिशत देखि अधिकतम ४प्रतिशत ब्याजदर तोकेको छ । बैंकले व्यक्तिगत मुद्दति निक्षेपमा ६.५०प्रतिशत देखि ७ प्रतिशत सम्म ब्याजदर तोकेको छ । त्यसैगरी कर्जातर्फ विभिन्न प्रकारको लोनमा आधार दरमा अधिकतम ७ प्रतिशत सम्म प्रिमियम तोकेको छ । बैंकको माघ महिनामा आधार दर ७.६१प्रतिशतछ । बैंकले न्यूनतम १०.५०प्रतिशत देखि अधिकतम ११ प्रतिशत सम्ममा स्थिर कर्जा दिने जनाएको छ ।

सिद्धार्थ बैंक

सिद्धार्थ बैंकले चैत महिनाका लागि नयाँ ब्याजदर सार्वजनिक गरेको छ । बैंकले बचतमा न्यूनतम २प्रतिशत देखि अधिकतम ४ प्रतिशत सम्म ब्याजदर दिने उल्लेख गरेको छ । बैंकले मुद्दति निक्षेपमा व्यक्तिगततर्फ न्यूनतम ६.५प्रतिशत देखि अधिकतम ७ प्रतिशत सम्म ब्याजदर दिने भएको छ ।

यता, यसको माघ महिनामा आधार दर ७.१७प्रतिशत छ । बैंकले विभिन्न प्रकारका ऋण दिँदा आधार दरमा न्यूनतम ३.५०प्रतिशत देखि अधिकतम ५ प्रतिशत सम्म प्रिमियम थप गर्ने जनाएको छ । स्थिर ब्याजदरको लागि बैंकले न्यूनतम ८.४९प्रतिशत देखि अधिकतम ११.४९प्रतिशत सम्म ब्याजदर निर्धारण गरेको छ ।

सिटिजन्स बैंक

सिटिजन्स बैंकले बचतको न्यूनतम ब्याज २प्रतिशत र अधिकतम ४ प्रतिशत राखेको छ । व्यक्तिगत मुद्दतिको अधिकतम ब्याज ७ प्रतिशत कायम गरेको छ । यो एक वर्षभन्दा माथिको मुद्दतिको ब्याजदर हो । बैंकको माघ मसान्तसम्मको आधार दर ७.८५ प्रतिशत रहेको छ । यसमा २ प्रतिशत देखि ५ प्रतिशत सम्म प्रिमियम थप गरेर विभिन्न कर्जा बैंकले दिइने बैंकको भनाई छ ।

प्राइम कमर्सियल बैंक

प्राइम कमर्सियल बैंकले बचतको न्यूनतम ब्याजदर २.५०प्रतिशत र अधिकतम ४.५०प्रतिशत तोकेको छ । व्यक्तिगत मुद्दतिको अधिकतम ब्याज ७.२५ प्रतिशत र न्यूनतम ५ प्रतिशत निर्धारण गरेको छ । पुस मसान्तसम्मको आधारदर ७.८५प्रतिशत रहेको छ । यसमा अधिकतम ६.७५प्रतिशत सम्म प्रिमियम थप गरेर कर्जा प्रवाह गर्ने बैंकको भनाई छ । स्थिर कर्जाका लागि बैंकले न्यूनतम १० प्रतिशत देखि अधिकतम ११ प्रतिशतम्म ब्याजदर निर्धारण गरेको छ ।

एनसीसी बैंक

एनसीसी बैंकले बचतको न्यूनतम ब्याजदर २.५०प्रतिशत र अधिकतम ५ प्रतिशत तोकेको छ । व्यक्तिगत मुद्दतिको अधिकतम ब्याज ८ प्रतिशतर न्यूनतम ६.२५प्रतिशत निर्धारण गरेको छ । पुस मसान्तसम्मको अधारदर ७.८५प्रतिशत रहेको छ । यसमा अधिकतम ५ प्रतिशत सम्म प्रिमियम थप गरेर कर्जा प्रवाह गर्ने बैंकको भनाई छ । स्थिर कर्जाका लागि बैंकले न्यूनतम ९.३५ प्रतिशतदेखि अधिकतम ११ प्रतिशत सम्म ब्याजदर निर्धारण गरेको छ ।