सर्वोत्तम सिमेन्टको आईपीओ निष्कासन तथा बिक्री प्रबन्धकमा ग्लोबल आईएमई क्यापिटल नियुक्त

३ चैत, काठमाडौं । सर्वोत्तम सिमेन्ट कम्पनी लिमिटेडले आईपीओ निष्कासन गर्नका लागि निष्कासन तथा बिक्री प्रबन्धक नियुक्त गरेको हो ।

कम्पनीले बुधबार एक कार्यक्रम आयोजना गर्दै निष्कासन तथा बिक्री प्रबन्धकमा ग्लोबल आईएमई क्यापिटल लिमिटेडलाई तथा सहायक बिक्री प्रबन्धकमा एनआइबिएल एस क्यापिटल लिमिटेड र प्रभु क्यापिटल लिमिटेडलाई नियुक्त गरेको हो ।

सर्वोत्तम सिमेन्ट लिमिटेडले नेपाल मै पहिलो पटक बुक विल्डिङ्ग विधिबाट आईपीओ निष्कासन तथा बिक्री खुल्ला गर्न लागेको छ ।कम्पनीले निष्कासन गर्न लागेको आईपीओको मूल्य ७ सय ५० रूपैयाँ तोकिएको छ ।

संस्थागत लगानीकर्तालाई रु ७५० मुल्य तोकिएको छ । यता सर्वसाधारणहरूले भने ७५० रूपैयाँमा १० प्रतिशत घटाई ६७५ रूपैयाँमा सेयर पाउनेछन् ।