टोखाबाट युवकको हत्या गरेको अभियोगमा तीनजना पक्राउ

४ चैत, काठमाडौं । नेपाल प्रहरीले काठमाडौंको टोखाबाट एक युवकको हत्या गरेको अभियोगमा तीनजनालाई पक्राउ गरेको छ । प्रहरीले हत्या अभियोगमा भारतीय नागरिक भुपेन्द्र कुमार, रौतहटका मोहम्मद कासिम र अर्का एकजनालाई पक्राउ गरेको हो

गत फागुन २९ गते टोखा नगरपालिका–१ मा मोरङ उर्लाबारीका आशिष लिम्बूको शव फेला परेको थियो । आशिष लागूऔषध दुर्व्यसनीसमेत रहेको बताइएको छ ।

लागूऔषध सेवन गरी भएको झगडामा कुटपिटपछि उनको मृत्यु भएको हुनसक्ने प्रहरीको अनुमान छ । यस विषयमा थप जानकारी दिन काठमाडौं महानगरीय प्रहरी परिसरले अपरान्ह तीन बजे पत्रकार सम्मेलन गर्ने भएको छ ।