ओलीले बोलाएको संसदीय दलको बैठक बहिस्कार गरेका सांसदहरुको छुटै भेला

५ चैत,काठमाडौं । संसदीय दलका नेता केपी ओलीले बोलाएको संसदीय दलको बैठक बहिस्कार गरेका एमाले नेता माधवकुमार नेपाल र झलनाथ खनाल पक्षका सांसदहरु छुटै बैठकमा बसेका छन् । पार्टी संसदीय दलका नेता ओलीले आज बोलाएको दलको बैठक बालुवाटारमा सुरु हुँदै गर्दा नेपाल-खनाल पक्षका सांसदहरु ललितपुरको हेरिटेज गार्डेनमा छुटै छलफलमा जुटेका हुन ।

संसदीय दलको बैठकमा नगई समानन्तर बैठक गरी नेपाल- खनाल पक्षका संसदहरुको छुटै बैठकमा बस्नुलाई अर्थपूर्ण रुपमा हेरिएको छ ।  यधपि उनीहरुले ओलीले आजका लागि बोलाएको संसदीय दलको बैठकमा जान नसक्ने धारणा  हिजो नै सार्वजनिक गरेका थिए । एमाले संसदीय दलमा ओली पक्ष पूर्ण बहुमतमा रहेको छ ।

माधव समुह मात्र नभइ ओलीले आयोजना गरेको संसदीय दलको बैठकमा नेता बामदेव गौतम समुह पनि नजाने भएको छ ।  गौतमका प्रेस सल्लाहकार विश्वमणि सुवेदीले खबर आएको भए पनि नेता गौतमा संसदीय दलको बैठकमा भाग लिन बालुवाटार नजाने जानकारी दिए ।