अष्ट्रेलियन यी पाँच बलर जसले टी–२० मा सर्वाधिक विकेट लिने

काठमाडौँ । अष्ट्रेलिया वर्तमान क्रिकेटको उत्कृष्ट टिममध्ये एक हो । हाल अष्ट्रेलिया आईसीसी वरियताको तिनै प्रारूपमा तेस्रो स्थानमा छ ।

अहिलेसम्म अष्ट्रेलियाका लागि कयौँ क्रिकेटरले विभिन्न कीर्तिमान आफ्नो नाममा बनाइसकेका छन् । अष्ट्रेलियाका खेलाडी आईपीएलदेखि विभिन्न लिगमा प्रमुख रोजाईमा पर्छन् ।

शेन वाट्सन – क्रिकेटबाट संन्यास लिइसकेका स्टार अलराउन्डर शेन वाट्सन यो सूचीको शीर्ष स्थानमा छन् । उनी अष्ट्रेलियाका लागि टी-२० मा सर्वाधिक विकेट लिने खेलाडी हुन् ।

सुरुवातमा वाट्सन ब्याट्सम्यानभन्दा बलरको रूपमा परिचित थिए । तर, विस्तारै उनी ब्याट्सम्यानको रूपमा चिनिन थाले ।

वाट्सनले अष्ट्रेलियाका लागि २००६ देखि २०१६ सम्म टी-२० क्रिकेट खेले । त्यसक्रममा उनले ५८ म्याचको ४९ इनिङ्समा ७.६५ को इकोनमीमा ४८ विकेट लिए ।

मिचेल स्टार्क – अष्ट्रेलियाका लागि टी-२० मा सर्वाधिक विकेट लिने सूचीको दोस्रो स्थानमा मिचेल स्टार्क दोस्रो स्थानमा छन् । उनी वर्तमान विश्व क्रिकेटका स्टार बलरमध्ये एक हुन् ।

स्टार्कले अष्ट्रेलियाका लागि ३५ म्याचमा ६.९५ को उत्कृष्ट इकोनमीमा ४७ विकेट लिएका छन् । अन्तर्राष्ट्रिय टी-२० मा उनको उच्च प्रदर्शन ११ रन दिएर ३ विकेट लिनु हो ।

एडम जम्पा -यो सूचीको तेस्रो स्थानमा स्पिनर एडम जम्पाको नाम आउँछ । उनी अहिअष्ट्रेलियन यी पाँच बलर जसले टी–२० मा सर्वाधिक विकेट लिनेले पनि अष्ट्रेलिया टिमका महत्वपूर्ण सदस्य हुन् ।

जम्पाले हालसम्म अष्ट्रेलियाका लागि ४१ म्याचको ४० इनिङ्स खेलेका छन् । जसक्रममा उनले ६.९२ को इकोनमीमा ४३ विकेट हात पारेका छन् । अन्तर्राष्ट्रिय टी-२० मा जम्पाको उत्कृष्ट बलिङ प्रदर्शन १४ रन दिएर तीन विकेट लिनु हो ।

एन्ड्रयू टाय -अष्ट्रेलियाका लागि अन्तर्राष्ट्रिय टी-२० मा सर्वाधिक विकेट लिने सूचीको चौथो स्थानमा तीव्र गतिका बलर एन्ड्रयू टाय छन् । उनले हालसम्म २८ म्याचमा ८.९५ को इकोनमीमा ३९ विकेट लिएका छन् ।

अन्तर्राष्ट्रिय टी-२० मा टायको उच्च प्रदर्शन २३ रन दिएर ४ विकेट लिनु हो । उनले हालसम्म ९९.५ ओभर बलिङ गर्दा ८ सय ९३ रन खर्चिएका छन् ।

एश्टन अगर र मिचेल जोनसन –यो सूचीको पाँचौ स्थानमा स्पिनर एश्टन अगर र मिचेल जोनसनको नाम आउँछ । उनीहरूले समान ३८ विकेट लिएका छन् ।

अगरले हालसम्म ३२ म्याचमा ६.८७ को उत्कृष्ट इकोनमीमा ३८ विकेट लिएका हुन् । टी-२० मा उनको उच्च प्रदर्शन ३० रन दिएर ६ विकेट लिनु हो ।

पूर्वतीव्र गतिका बलर जोनसनले आफ्नो टी-२० करियरमा ३० म्याच खेल्दा ७.२८ को इकोनमीमा ३८ विकेट लिए । टी-२० मा उनको उच्च बलिङ प्रदर्शन १५ रन दिएर ३ विकेट लिनु हो ।