ग्रीन भेन्चर्स र बलेफी हाइड्रोपावर कम्पनी आईपीओ निष्कासनको अनुमति माग्दै पुगे धितोपत्र बोर्ड

काठमाडौँ । आईपीओ निष्कासनको अनुमति माग्दै ग्रीन भेन्चर्स र बलेफी हाइड्रोपावर कम्पनी धितोपत्र बोर्ड पगेका छन् । यी दुई वर्ट कम्पनी आईपीओ निष्कासन अनुमति माग्दै बोर्ड गएका हुन् ।

बलेफी हाइड्रोपावर कम्पनी लिमिटेडले स्थानीय र सर्वसाधारणको लागि ३६ करोड ५५ लाख ९४ हजार रुपैयाँ बराबरको ३६ लाख ५५ हजार ९ सय ४० कित्ता आईपीओ निष्कासन तथा बिक्री खुल्ला गर्नका लागि फागुन २५ गते, मंगलबार सेबोनमा निवेदन पेश गरेको हो । कम्पनीको आईपीओ निष्कासन तथा बिक्री प्रबन्धकको काम ग्लोबल आइएमई क्यापिटल लिमिटेडले गर्नेछ ।

ग्रीन भेन्चर्स हाइड्रोपावर कम्पनी लिमिटेडले ६२ करोड ५० लाख रुपैयाँ बराबरको ६२ लाख ५० हजार कित्ता आईपीओ निष्कासन तथा बिक्री खुल्ला गर्नका लागि फागुन २८ गते, शुक्रबार सेबोनमा निवेदन पेश गरेको हो । कम्पनीको आईपीओ निष्कासन तथा बिक्री प्रबन्धकको काम लक्ष्मी क्यापिटल लिमिटेडले गर्नेछ ।