गुटको भेला गरे कारबाहीः ओली

५ चैत, काठमाडौं । नेकपा एमालेको संसदीय दलको बैठकले संसदीय बोर्ड गठन गरेको छ । वरिष्ठ नेताद्वय झलनाथ खनाल र माधवकुमार नेपाल पक्षले वहिष्कार गरेपनि दलले यस्तो निर्णय गरेको हो । बोर्डमा २७ जना रहने छन् ।

साथै, संसदीय दलको विधान संशोधन गर्ने निर्णय पनि आजैको बैठकले गरेको छ । यसका लागि कार्यदल गठन भएको छ । कार्यदलमा संसदीय दलका मुख्य सचेतक विशाल भट्टराई, सांसदहरु शेरबहादुर तामाङ र विमला राई पौडेल रहेका छन् ।

साथै, गुटको भेला गर्नेमाथि कारबाही गर्ने निर्णय पनि भएको छ । दलको बैठकलाई संवोधन गर्दै नेता केपी ओलीले यस्तो चेतावनी दिएका हुन् । पार्टीको आधिकारिक बाहेक कुनैपनि बैठकमा गए कारबाही हुनेछ – उनले भने ।